امریکا جمهور باشلیغی دونالد ترامپ، خلیج فارس ده کیسکینلیکلر کمهیشی اوچون ایران بیلن مذاکرهلرنینگ جریانده بولگنینی تصدیق قیلگن.
الجزیره، بوگون (۱۵-دلو/ ۴-فبروری، چهارشنبه)، ترامپ دن نقل قیلیب گزارش بیریشیچه، واشینگتن حاضر تهران بیلن مذاکره قیلماقده؛ لیکن امریکا جمهور باشلیغی مذاکرهلر محلینینگ بیللی قیلمهگن.
اونینگ اورغولشیچه، امریکا کیسکینلیکلر کوچهیشینینگ آلدینی آلیشگه اورینماقده. «اولر مذاکره قیلماقده. بیرار ایش قیلیشنی ایستهیدی و کوریش کیرهک که، نیمه قیلینهدی یا-ده قیلنمهیدی.»
بوندن آلدین ایران جمهور باشلیغی مسعود پزشکیان، تشقی ایشلر وزیریگه، شرایط موجود بولگنی صورتده، بو مملکت ملی منفعتلری دایرهسیده امریکا بیلن «عدالتلی و انصافلی» مذاکرهلرنینگ آلیب باریشینی بویروغ بیرگن.
