لغمان ولایتی قرغهای تومنیده یوز بیرگن ترافیکی حادثه نتیجهسیده، توقیز کیشی اولیب و یرهلنگن.
لغمان امنیه قوماندانلیگی ییتکرمهلر مسئولی محمدیونس یوسفزینینگ ایتیشیچه، بوگون ایرتهلب (یکشنبه، ۲۵-عقرب)، قرغهای تومنی «میاخانکس» منطقهسیده، «کرولا» رسوملی بیر موتر سرکدن چیقیب و آلاو آلگن.
اونینگ کوپهیتیریشیچه، بو حادثهده موتر یولاوچیلریدن بیر عیال و بیر باله شامل آلتی کیشی اولیب و اوچ کیشی یرهلنگن.
یوسفزیگه کوره، اوشبو ترافیکی حادثه هیداوچینینگ احتیاطسیزلیگی نتیجهسیده یوز بیریب و یرهلنگنلر قرغهای تومنی کسلخانهسیگه انتقال بیریلگن.
هیداوچیلرنینگ احتیاطسیزلیگی، ترافیکی قاعده-قانون رعایت بولمسلیگی و سرکلر بوزیقلیگی، افغانستان ده ترافیکی حادثهلرنینگ یوز بیریشی اصلی عامللریدن دییلهدی.
