بادغیس خوفسیزلیک رسمیلرینینگ ایتیشلریچه، بادغیس-هرات قتناو یولیده ۴۰۴ رسوملی یولاوچی تاشووچی بیر موترنینگ چپه بولگنی نتیجهسیده، ۹ کیشی اولیب و ۳۵ کیشی یرهلنگن.
بادغیس امنیه قوماندانلیگی سوزلاوچیسی صدیقالله صدیقینینگ ایتیشیچه، مذکور حادثه بوگون توشدن آلدین (۳-حوت، یکشنبه)، اوشبو قتناو یول حدودلریده جایلشگن «پُشته لامان» اسملی منطقهده یوز بیرگن.
جناب صدیقی، یوز بیرگن مذکور ترافیکی حادثه سببینی، هیداوچینینگ احتیاطسیزلیگی عنوان قیلیب و کوپهیتیریشیچه، قربانلر آرهسیده بالهلر و عیاللر شامل دیر.
ایتیلیشچه، یرهلنگنلر دوالنیش مقصد بادغیس مرکزی قلعهینو شهریدهگی ساغلیقنی سقلش مرکزلریگه انتقال بیریلیب و اولردن قطارینینگ وضعیتی آغیر دیر.
بادغیس خوفسیزلیک رسمیلرینینگ معلوماتی اساسیده، ۴۴ یولاوچیسی بولگن اوشبو موتر، هرات شهریدن بادغیس مرکزی قلعهینو شهری تامان بارهر ایکن.
