تورخم بندری یاپیق قالیشی بیلن بیرگه، افغانستان و پاکستان سوداگرلیک و صناعت قوشمه اتاقی گه کوره، مذکور بندر یاپیلیشی باعث افغانستان سوداگرلری هر کونی بیر یوز ۵۰ مینگ دالر زیان کوره‌دیلر.
مذکور اتاق باشلیغی نقیب‌الله صافی نینگ سلام‌وطندار گه ایتیشیچه: «توارلر یوکلنگن کانتینرلر توخته‌تیلگن، هر کون اوتیشی بیلن اوشبو کانتینرلر جریمه بوله‌دی چونکه بو کانتینرلر تعینلنگن زمانیده قیتیشی کیره‌ک، کوپ سانده تازه میوه و سبزه‌وات‌لر بیرینچی کونده یوق بولیب یا که آز نرخ گه ساتیلگن.»
تورخم بندری ده سوداگرلیک توارلری بند قالگن سوداگرلردن بیرقطاری نینگ ایتیشلریچه، اوتگن بیر هفته ده تورخم بندری یاپیلیشی بیلن قریب ایکی میلیون افغانی مالی زیان کورگنلر.
بیزلرنینگ فیسبوک صحیفه‌میزگه باش اورینگ!
تازه میوه سوداگری نصیراحمد گه کوره، تورخم بندری یاپیلیشیدن کیین تازه میوه یوکلنگن نیچه لاری میوه‌سینی آز نرخ ده جلال‌آباد شهری ده ساتگن.
او نینگ کوپه‌یتیریشیچه: «بندر یاپیلیشیدن بیری کوپ سانده میوه‌لر سسیب کیتدی، وقتیده ساتیلمسه یوق بوله‌دی، میوه‌لرنی جلال‌آباد شهری ده یریم نرخی ده ساتیش گه مجبور بولدیم. سونگی نیچه کون ایچیده برچه سوداگرلر آغیر مالی زیان کورگنلر.»
سبزه‌وات سوداگری کشمیر نینگ ایتیشیچه، پاکستان انده_سنده ایریم بهانه‌لر بیلن افغانستان سوداگرلری گه قیینچیلیک یره‌تیب و سرمایه‌لرینی یوق ایته‌دی.
اونگه کوره: «سونگی نیچه کون ایچیده برچه سرمایه‌میز و مالی‌میز یوق بولدی، حاضر هیچ سرمایه‌میز یوق و باشقه‌لردن قرض آلیب مال آلگن‌میز او هم یوق بولدی، بو بیرینچی مرتبه ایمس بلکه پاکستان هردایم افغانستان سوداگرلری اوچون قیینچیلیک یره‌ته‌دی سوداگرلر احوالی یامان دیر.»
سوداگرلر، اسلام امیرلیگی دن موجود قیینچیلیک نی تیزلیک بیلن مذاکره آرقه‌لی حل ایتیش‌لرینی طلب قیله‌دیلر.
بیزلرنینگ توییترده هم تعقیب قیلینگ!
اسلام امیرلیگی، پاکستان رسمی‌لری بیلن مذاکره دوام ایته‌یاتگنینی معلوم قیلیب و یقینده تورخم بندری آچیلیشی اوچون امیدوارلیک بیلدیرگن.
اسلام امیرلیگی سوزلاوچیسی نینگ اورین باسری بلال کریمی نینگ ایتیشیچه: «ایکی تامان رسمی‌لری مذاکره قیلماقده‌لر، بو سعی‌وحرکت‌لر نیتجه بیریش گه امیدوارمیز. چونکه بو تجارتی بیر یول دیر ایکی تامان یشاوچیلری زیان کوره‌دی، ایکی تامانده کسل‌لر و سوداگرلیک توارلر بند قالگن، مسئوللر یول نی آچیش اوچون تلاش قیلماقده‌لر.
تورخم بندری، افغانستان_پاکستان و آسیا جنوبی مملکت‌لری ارا ترانزیتی مهم بندرلردن سنله‌دی؛ مذکور بندر اوتگن هفته اسلام امیرلیگی و پاکستان چیگره‌چیلری نینگ توقنشووی باعث، یولاوچیلر و سوداگرلیک توارلر یوزی گه یاپیلگن.