اوشبو اتاق مدیره هیئت اعضاسی خانجان الکوزینینگ سلاموطندار گه ایتیشیچه: «حاضر ایسه ایکی تامان قریب ۱۰ میلیون دالر زیان کورگن، بو وضعیتنینگ دوام قیلگنی صورتده، ایکی مملکت آرهسیدهگی تجارت صفر بولهدی. صناعت و سودا وزیرلیگی سرپرستی اوزبیکستان بیلن قوشمه بازارلر یرهتیلیشی مقصد اوشبو مملکت گه کیتگن که، تیزلیک بیلن بو باغلیقلیکدن قوتیلهیلیک.»
باشقه بیر تاماندن، ننگرهار سودا اتاقی مسئوللرینینگ ایتیشلریچه، تورخم قتناو یولینینگ یاپیق قالگنی و افغانستاننینگ سودارگرلیک توارلری یوکلنگن موترلر توختهتیلگنی بیلن، تازه میوهلر و سبزهواتلردن کوپینچهسی خراب بولیب و افغانستانلیک سوداگرلر کونده اونلب مینگ دالر زیان کورهدی.
بیزلرنینگ «ایکس» ترماغی ده هم تعقیب قیلینگ!
ننگرهار سودا اتاقی اورینباسری و سوداگر زلمی عظیمینینگ سلاموطندار گه ایتیشیچه: «پاکستان آرقهلی مملکتیمیزگه کیلهدیگن توارلردن کوپینچهسی دستلبکی مادهلر جملهدن سبزهوات و میوه دیر که اولردن کوپینچهسی خراب بولهدی. ۶۰۰-۷۰۰ یوک تاشووچی موترلر چیگره او تامانیدن توختهتیلگن و قریب ۵۵۰ یوک تاشووچی موتر ایسه افغانستان تامانیدن توختهتیلگن. خصوصی سکتور گه کمیده بیر یا-ده بیریوز مینگ دالر زیان ییتیشهدی.»
باشقه بیر تاماندن، ۹ کوندن بویان تورخم قتناو یولینینگ ایکی تامانیده توارلری بند قالگن افغانستانلیک سوداگرلردن قطارینینگ ایتیشلریچه، پاکستان بیلن سودا-ساتیقدن زیریککنلر.
افغانستانلیک سوداگرلردن بیری رسول حضرتنینگ ایتیشیچه، حاضرگچه بیر میلیوندن آرتیق افغانی زیان کورگن. «اهالی پمیدار و بامیه یوکلهگن ایدی و برچه نرسه ایکی تامانده بند قالیب و خراب بولگن. اوزیم ۱۰۰ مینگدن آرتیق افغانی زیان کورگنمین. ایکی لاریمیز چیگره او تامانیده بند قالگن. اوشبو یولده اصلا ایشلهیشیمیز کیلمهیدی، چونکه هر ییلی شو رقم بیر وضعیت دیر.»
بیزلرنینگ فیسبوک صحیفهمیزگه باش اورینگ!
بولرگه علاوه، افغانستان و پاکستان سوداگرلیک قوشمه اتاقی مسئوللرینینگ ایتیشلریچه، اسلام امیرلیگی و پاکستان رسمیلری آرهسیده مذاکرهلرنینگ دوامی بار و تورخم قتناو یولینینگ بوگون اوتیب-قیتیش یوزیگه آچیلیشی ممکن.
اوشبو اتاق عضوی نقیبالله صافینینگ ایتیشیچه: «بوگون تورخم خصوصیده جلسه بار و اوشبو قتناو یولنینگ آچیلیشی ممکن. بو جلسه ایکی تامان آرهسیده قتناو یولنینگ آچیلیشی اوچون دیر.»
ایتیش کیرهک که، تورخم قتناو یولی اوتگن هفته شنبه کونی ایرتهلب افغانستان تامانی دیورند چیزیغی یقینیده تأسیسات قوریش پیتیده، پاکستان تامانیدن یاپیلدی.
