افغانستان ایشلری بوییچه امریکا نینگ مخصوص نماینده‌سی توماس وست نینگ جرمنی گه سفری و افغانستان وضعیتی خصوصیده مذکور مملکت نینگ سیاسی رسمی‌لری بیلن ملاقات قیلیشیدن کیین، افغانستان اوچون اروپا اتفاقی نینگ مخصوص نماینده‌سی، پاکستان نینگ سیاسی رسمی‌لری بیلن اوچره‌شیب و ملاقات قیلگنیدن خبر بیرگن.
اونینگ ایتیشیچه، مذکور اوچره‌شوولرده، افغانستان اهالی‌سی نینگ فایده‌سی گه بولگن منطقه و دنیا همکار‌لیگی نینگ اونملی بولگنی و شونینگدیک اوشبو مملکت‌ده همه‌شمول حکومت ایجاد بولیشی خصوصیده تاکید بولگن.
جناب نیکلاسن گه کوره، اروپا اتفاقی افغانستان نینگ منزوی بولیشی نی ایستمسه‌ده؛ بیراق اسلام امیرلیگی نینگ رسمیت گه تانیلیشی خصوصیده هیچ بیر گزینه یوق.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، سیاسی ایش بیلرمانی جمعه‌خان پویا نینگ ایتیشیچه، مذکور سفرلر نینگ پیغامی اسلام امیرلیگی شو که، حکومت‌‌دارلیک اسلوبی افغانستان یشاوچیلری و دنیا گه قبول قیلینمه‌گن دیر.
اونینگ سلام‌وطندار گه ایتیشیچه: «دنیا جماعه‌سی نیچه موضوع خصوصیده بیر آواز‌ده دیر. بیرینچی‌سی افغانستان ده عیال‌لر حقوقی نینگ رسمیت گه تانیلیشی، ایکینچی‌سی ایسه برچه تامان‌لمه و اوچینچی‌سی قیزلر یوزیگه مکتب‌لر و بیلیم یورت‌لر نینگ آچیلیشی.»
باشقه بیر تامان‌دن، افغانستان بیرلشگن خلقی نینگ بیردم‌لیک حرکتی رئیسی محمدزلمی افغان‌یار نینگ ایتیشیچه، دنیا جماعه‌سی افغانستان ده آسایشته‌لیک نینگ کیتی‌ده بولگنی صورت‌‌ده، اوشبو مملکت‌ده حضوری بولگنی دهه‌لرده اوشبو آسایشته‌لیککه ییتیشیش اوچون سعی و حرکت قیلیشی کیره‌ک ایدی.
بیزلرنینگ توییترده هم تعقیب قیلینگ!
عین حالده، بیلیم یورت اوقیتووچیسی و خلق‌ارا مسئله‌لر بیلرمانی سید‌شفیق‌الله سادات نینگ ایتیشیچه، دنیا افغانستان حقیده جمعی توافق گه ییتیشیش اوچون سعی و حرکت قیلماقده.
شونده‌ی بیرحالده، اسلام امیرلیگی گه یقین سیاسی بیلرمانی محمد بشار نینگ ایتیشیچه، اروپا و امریکا ییغیلیش‌لر و جهانی سفرلری اورنیده، اسلام امیرلیگی بیلن رسمی رابطه قوریش اوچون سعی‌وحرکت قیلیشی کیره‌ک.
شونده‌ی بیرحالده، اسلام امیرلیگی نینگ قدرت گه ایریشگنیدن کیین، دنیا جماعه‌سی و بیرلشگن ملت‌لر تشکیلاتی کوپینچه ییغین‌لر و دنیا و منطقه‌یی سفرلر نی یولگه قوییش بیلن، اسلام امیرلیگی نی همه‌شمول حکومت ایجاد قیلیش خصوصیده سعی و حرکت قیلگن؛ بیراق حاضرگچه اوشبو ایسته‌گی نی قولگه کیلتیرمه‌گن.