باشکنت یشاوچی‌لری هفته نینگ بیرینچی کونی‌نی پارتلش سیسی بیلن باشله‌دیلر. کابل شهری بوگون ایرته‌لب ۳ پارتلش‌گه گواه بولگن.
کابل پولیس قوماندانلیگی نینگ ایتیشیچه، اوشبو پارتلش‌لرده ۲ پولیس هلاک و ۲ پولیس شامل ۳ کیشی یره‌لنگن.
بیرینچی پارتلش ایرته‌لب ساعت ۷:۰۰ اطرافیده کابل شهری ۸- حوزهسیگه تیگیشلی چمن حضوری منطقه‌سیده یوز بیرگن.
کابل امنیتی مسووللر تامانیدن بیریلگن معلومات‌لرگه کوره، مذکور ماین پارتلشی نتیجه‌سیده، هیچ کیم‌گه زیان ییتیشمه‌گن.
کابل پولیس قومندانلیگی سوزلاوچیسی فردوس فرامرز ایتیشیچه، ایکینچی پارتلش ایرته‌لب ساعت ۷:۰۵ دقیقه‌ده کابل شهری نینگ ۶- حوزه گه تیگیشلی بولگن منطقه‌ده یوز بیریب، نتیجه‌ده ۲ پولیس یره‌لنگن.
اوچینچی پارتلش ایسته ساعت ۹:۰۵ دقیقه‌ده کابل شهری ۳- حوزهسیگه تیگیشلی چهارراهی شهید منطقه‌سیده یوز بیرگن.
جناب فرامرز نینگ ایتیشیچه، بو واقعه‌ده پولیس کوچ‌لری نینگ بیر رنجری هدف آلینیب، نتیجه‌ده ۲ پولیس هلاک و بیر تینچ‌اهالی یره‌لنگن.
اوشبو واقعه‌لر مسؤلیتی‌نی هیچ‌بیر کیشی یا-ده گروه بوینیگه آلمه‌گن.