بیلیم یورت استادی و تدقیقاتچی صالحمحمد راسخ، اۉزبېک تیلینینگ ترقیاتی و رواجی اوچون بو تیلده تولید، تیارلش و مطلب نشر قیلیش بولیمیده سعی-حرکت بولیشی کېرهک دیېدی.
راسخ جنابلری، بو سۉزلرنی، ۸-عقرب-پنجشنبه کونی مزارشریف شهریده «افغانستانده اۉزبېک تیلینینگ اورنی» آتیده اۉتکزیلگن تدبیرده آچیقلهگن.
صالحمحمد راسخنینگ فکریچه، اۉزبېک تیلینی افغانستاننینگ تیل و مدنیت خیلمه-خیللیگی مهم بولیملریدن دیب، میلیونلرچه کیشینینگ تیلی و مدنیتینی قدرلش اوچون بو کوندن نشانلنیش کېرهک.
بلخ مرکزی مزارشریف شهریده ۲۹-میزان/۲۱-اکتوبر اۉزبېک تیلینینگ ملی کونی مناسبتی بیلن، ادبیات، مدنیت و بو تیلنینگ قدریتلرینی ترغیب ایتیش مقصدیده تدبیر اۉتکزیلدی.
بو تدبیر، مزارشریفده اۉزبېکستان قنسولگرلیگی وکیللری، بلخ محلی مسئوللری، مدنیت سیورلر، شاعرلر، یازووچیلر و بلخ یشاوچیلرینینگ کېنگ کولملی حضوری بیلن اۉتکزیلدی.
اوشبو تدبیرده، اۉزبېک تیلیده یازیلگن کتابلر و اۉزبېک خلقی گه عاید محلی طعاملر نمایش گه قوییلیشی و قالین کبی قول توقیمهلر و شعر دکلمهلری تدبیرنینگ فرهنگی بولیمینی تشکیل بیرردی.
