بوگون “شنبه” ایچکی ایش‌لر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، ۳ کیشی یوسف رشید نینگ تروریگه عیب‌لنیب قولگه آلینگن. جناب آرین گه کوره، اوشبو قضیه جدی شکلده تیکشیریله‌دی و قولگه آلینگن کیشی‌لر بو قضیه‌گه دخیل دیر.
عین‌حالده، جمهورلیک ریاستی بیرینچی اورین باسری امرالله صالح نینگ فیسبوک صحیفه‌سیده یازیشیچه، قولگه آلینگن کیشی‌لرنینگ یوسف رشید و هیداوچیسی نینگ قتلی‌گه قول‌لری بار دیر.
افغانستان ایرکین و عادلانه سیلاو بنیادی یا-ده فیفا نینگ اجرایی باشلیغی محمدیوسف رشید ۱۷ کون آلدین هیداوچیسی بیلن بیرلیکده ناتانیش قوراللی کیشی‌لر تامانیدن ترور قیلینگن ایدی.
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
طالبان گروهی نیچه پیت آلدین بیر خبرنامه آرقه‌لی دین عالم‌لر، خبرچی‌لر و سیاسی سیمالرنینگ تروریگه قول‌لری بولگنی‌نی رد قیلگن، بیراق حکومت هردایم اوشبو گروه نی دین عالم‌لر، خبرچی‌لر و سیاسی سیمالرنینگ تروریگه مسوول عنوان قیلگن.
