سمنگان ولایتی خوفسیزلیک مسئوللری، اوشبو ولایتنینگ خُلم تومنیده اوچ کیشی فاضلاب قودوغیده گازدن زهرلنیشی عاقبتیده اولگنیدن خبر بیردیلر.
سمنگان امنیه قوماندانلیگی سوزلاوچیسی حشمتالله رحمانیگه کوره، بو واقعه ۱۸ ثور/۸ می، جمعه کیچه بو ولایتنینگ خُلم تومنیده یوز بیرگن.
اوشبو کیشیلر فاضلاب قودوغینی تازهلش پیتیده گازدن زهرلنگن و اونینگ نتیجهسیده اولگن دییدی، حشمتالله رحمانی.
سمنگان امنیه قوماندانلیگی سوزلاوچیسینینگ ایتیشیچه، اوشبو کیشیلردن بیر نفری ساغلیق مرکزیگه آلیب باریش پیتیده یولگه اولگن، ایکینچی نفری مزارشریف شهری کسلخانهسیده دوالنیش پیتیده و اوچینچی نفری ایسه بوگون ایرتهلب ساعت ۷:۰۰ اطرافیده اوشبو کسلخانهده اولگن.
رحمانی جنابلری، یشاوچیلردن چیقیندیلرنی تازهلش پیتیده تعیینلنگن قاعدهلر گه رعایه قیلیشلرینی سورهیدی.
