الجزیره خبری ترماغینینگ گزارش بیریشیچه، عراق دولتی ایران رهبری آیتالله علی خامنهاینینگ اولگنی مناسبتی بیلن، اوچ کونلیک عمومی ماتم اعلام قیلگن.
عراق دولتی سوزلاوچیسی باسم العوادی، بو مملکتنینگ (INA) رسمی آژانسی ترقهتگن بیر بیانیه آرقهلی قیغوداشلیک بیلدیریش یانیده، «برچه اسلام امتی و ایران ملتی» گه اوشبو یوقاتیش اوچون تسلیت ایتگن.
بیانیهده کیلیشیچه: «ایران خلقی و برچه اسلام امتی بیلن سادات و پیامبر عایلهسیدن بیلگنیمیز مذکور عالم و مجاعد، عالی رهبر، حضرت آیتالله العظمی سیدعلی حسینی خامنهاینینگ شهادتی مناسبتی بیلن قیغوداشلیگیمیزنی بیلدیرهمیز. اوشبو شهادت، انسانی و اخلاقی برچه معیارلرنی بوزیب، شونینگدیک خلقارا قانونلر و کنوانسیونلرنینگ آچیق-آیدین بوزیلیشی بولگن کینگ کولملی هجوم همده قارهلنگن حرکتیدن کیین یوز بیرگن.»
امریکا و اسرائیل اوتگن کون ایراننی کینگ کولملی هجوملر بیلن نشانگه آلگن که مذکور هجوملر نتیجهسیده، بو مملکت رهبری آیتالله علی خامنهای و ایراننینگ قوماندانلریدن قطاری اولگن. اوشبو واقعهدن کیین، شونینگدیک ایران اسرائیل و منطقه ده امریکا پایگاهلریگه قرشی هجوملرینی باشلهگن.
