بلخ ده خوفسیزلیک مسئوللرینینگ ایتیشلریچه، اوشبو ولایت کلدار تومنیدن ۱۷ کیلوگرام «شیشه» توریدهگی بنگیوار مادهنی قاچاق قیلیش عیبی بیلن اوچ کیشینی قولگه آلگنلر.
بلخ امنیه قوماندانلیگی بیر بیانیه آرقهلی یازیشیچه، مذکور کیشیلر بوگون (۲۳-ثور، سهشنبه)، اوزبیکستان گه بنگیوار مادهنی انتقال بیریش اوچون سعیوحرکت قیلگنلری پیتده، تانیلیب و قولگه آلینگنلر.
بیزلرنینگ فیسبوک صحیفهمیزگه باش اورینگ!
بیریلگن معلومات اساسیده، اوشبو کیشیلر بو مقدار شیشهنی، «کرولا» رسوملی بیر موتر ایچیگه جایلشتیریب و اونی قندهار دن بلخ گه آلیب بارگن ایکنلر.
خوفسیزلیک کوچلرینینگ ایتیشلریچه، عملیات اوتکزیلگنی جریانیده قولگه آلینگن کیشیلر یانیدن بیرته تفنگچه هم قولگه کیلگن.
بیزلرنینگ «ایکس» ترماغی ده هم تعقیب قیلینگ!
ایتیش کیرهک که، نیچه کون آلدین هم بلخ خوفسیزلیک کوچلری ۲۲ مینگ «تابلیت کا» سقلشی و قاچاقی عیبی بیلن بیش کیشینی قولگه آلگن ایدی.
