هرات ده محلی مسئوللرنینگ ایتیشلریچه، ناقانونی مهاجرت اوچون سعیوحرکت قیلهیاتگن افغانستانلیک اوچ کیشی، اوشبو ولایت کهسان تومنینینگ چیگره منطقهلریده هوا ساووقلیگی طفیلی هلاک بولگنلر.
هرات حاکمی سوزلاوچیسی محمدیوسف سعیدینینگ ایتیشیچه، مذکور واقعه اوتگن کون (۲۸-قوس، جمعه)، یوز بیرگن.
اونینگ کوپهیتیریشیچه، چیگره او تامانیده احتمالی شکلده هلاک بولگن کیشیلر وضعیتی انیقلنیشی توغریسیده تدقیقاتنینگ دوامی بار.
هرات حاکمی سوزلاوچیسیگه کوره، یاردم بیرووچی گروهلر موضوعنی تیکشیریش و احتمالی تلفات حقیده کوپینچه معلوماتنی توپلش بیلن شغللنگن.
شونینگدیک سعیدینینگ ایتیشیچه، محلی رسمیلر و یاردم بیرووچی گروهلر جبرلنگن عایلهلرنی قوللب-قوتلش و بو کبی واقعهلر آلدی آلینیشی اوچون کیرهکلی اقداملرنی قولگه آلگن.
اونگه کوره، هرات ولایتی کهسان تومنیده هوا ساووقلیگی نتیجهسیده، بیر چوپان هم هلاک بولگن.
افغانستان یشاوچیلری ییللردن بویان ایران گه مهاجرت قیلیب و اولردن قطاری ناقانونی یوللر آرقهلی بو مملکت گه باریش اوچون سعیوحرکت قیلماقده. اوشبو مهاجرت جدی خوفلر جملهدن قیین و تینچ بولمهگن یوللردن اوتیش، هوانینگ ساووقلیگی و ایسیقلیگی همده انسان قاچاقچیلری تهدیدی بیلن روپهره دیر.
