کاپیسا – نجراب قتناو یولی دن اوتیب قیته‌دیگن یولاوچیلر‌نینگ ایتیش‌لریچه، اوشبو یولده‌گی قورالی اوغیرلاوچیلر اونلرچه موتر هیداوچی و موتر مسافرلرینی نینگ اموال‌لرینی آلیب و عیا‌لر بدنی نی تیکشیرگن‌لر.
اوشبو واقعه اوتگنی کونی (چهار‌شنبه، ۲۶- قوس) شام‌چاغی “قبر افغان و ضابط خان‌بابا پوسته‌سی) نینگ یقینی، نجراب تومنی نینگ احمد بیگ تپه‌سیده یوزبیرگن.
تورت مسافر، قطار موتر هیداوچیلر و کاپیسا ولایتی نجراب تومنی نینگ ترانسپورت مسؤلی بوگون (پنجشنبه، ۲۷- قوس) سلام‌وطندار گه ایتیشیچه، اوغیرلاوچیلر اوتگن کونی آقشمی شام چاغی ساعت ۰۵:۴۵ دقیقه دن ۰۷:۰۰ بجه گچه ۲۰ الی ۳۰ مسافر و یوک تاشوچی موترلرنی تیکشیریب، مسافرلر نینگ پول، موبایل و باشقه قیمتی جنس‌لرینی آلگنلر.
مسافرلردن ایکی ته سی آتی سیر قالیش نی ایسته‌ب سلام‌وطندار گه ایتیشیچه، اوغیرلاوچیلر موترنی توخته‌تیب مسافرلر نینگ مالینی توپلش پیتده، کین ده‌گی موتر مسافرلری قورقیش‌لریدن قیمتی ماللرینی موتردن آتگنلری باعث، اوغیرلاوچیلر مسافرلر اوستیگه اوق آتگن و نیچه اوق موترگه اصابت قیلگن.
اوشبو مسافرلر سوزی گه کوره، یانیده پولی بولمگن مسافرلرنی اوغیرلاوچیلر اوریب-یینچ‌گن.
کاپیسا – نجراب یولی نینگ موترهیداوچیسی ایتیشیچه، اوغیرلاوچیلر موتر هیداوچی یانیده بولگن ۱۷۵۰۰ افغانی پول و موبایلی نی، مسافر نینگ ۲۰۰۰۰ افغانی و موبایلی نی و باشقه بیر مسافر نینگ ۴۵۰۰ افغانی پولی و موبایلی نی آلیب و عیال‌لر بدنی نی تیکشیرگن.
نجراب تومنی زمینی ترانسپورت بولیم مسؤلی مهر آقا نینگ ایتیشیچه، کاپیسا – نجراب یولی ده اوغیرلاوچیلر بولگنی نی نجراب تومنی مسؤل‌لری و حتی کاپیسا محلی مسؤل‌لری گه چه، لیکن تومن مسؤل‌لری شام چاغی دن کیین سفر قیلمس‌لیک‌لرینی بیلدیرگن.
لیکن کاپیسا پولیس کوچلری نینگ ایتیشیچه، اوغیرلاوچیلر اوتگن کونی یالغیز ۳ موترنی توخته‌تیب تالان قیلگن.
کاپیسا پولیس کوچلری مطبوعات مسؤلی عبدالشایق شورش، موتر هیداوچی و مسافرلر نینگ سوزلرینی رد ایتگن.
کاپیسا ولایتی نجراب تومنی نینگ یشاوچی‌لر ایتیش‌لریچه، سابق هم نجراب تومنی یولی ده ناتینچ‌لیک و اوغیرلاوچیلیک‌لر بولگن ایکن، لیکن پوسته توزلیشی بیلن ناتینچ‌لیک‌لر و اوغیرلاوچیلر آزه‌ی گن ایکن، بیراق مذکور پوسته کاپیسا پولیس کوچلری تامانیدن پوسته کوتاریلگنی دن کیین نجراب تومنی یولی قیته دن اوغیرلاوچیلر تاپیلگن.
