اۉرته شرق ده کېسکین‌لیک طفیلی خلق‌ارا هوا یوللری شرکت‌لری افغانستان فضاسیدن اوچیش‌لرینی کوپه‌یتیریش گه دایر گزارش‌لردن سۉنگ، سرپرست حکومت ترانسپورت و هوا یوللری وزیرلیگی مسئوللری، ۲۴ ساعت ایچیده افغانستان فضاسیدن چمه‌سی ۲۶۰ اوچیش عملگه آشیریلگنینی معلوم قیلگن.
سرپرست حکومت ترانسپورت و هوا یوللری وزیرلیگی سۉزلاوچیسی امام‌الدین احمدی سلام‌وطندار بیلن اۉتکزگن صحبتیده، آلدین افغانستان فضاسیدن ۱۱۰ اوچیش عملگه آشیریلر اېدی دیگن.
بیزلرنینگ فیسبوک صحیفه‌میزگه باش اورینگ!
ترانسپورت و هوا یوللری وزیرلیگی سۉزلاوچیسی نینگ کوپه‌یتیریشیچه: «افغانستان فضاسیدن ملکی اوچیش‌لر کوپه‌یگن. بوندن آلدین افغانستان فضاسیدن ۲۴ ساعت ایچیده ۱۱۰ دن ۱۲۰ اوچیش عملگه آشیریلر اېدی.»
۱۴۰۳-ییل، ۲-سنبله، جمعه کونی رویترز آژانسی ترقه‌تگن گزارشیده، اۉرته شرق اینیقسه ایران و اسرائیل فضاسی ناتینچ بولگنی بیرحالده، خلق‌ارا هوا یوللری شرکت‌لری بدیل یول اوله‌راق افغانستان فضاسینی تنله‌گنلرینی اېتگن.
رویترز نینگ گزارشی اساسیده، اوشبو میلادی آی نینگ ایکّینچی هفته‌سیده، افغانستان فضاسیدن اوچیش‌لر، اۉتگن ییل نینگ عینی شو تاریخی گه نسبتن ییتّی فایز کوپه‌یگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه ایش بیلرمان‌لر، افغانستان فضاسیدن اوچیش‌لر کوپه‌یشینی مملکت اونمیگه دیب و کوپراق قولی‌لیک یره‌تیلیشی گه تأکید اېته‌دیلر.
خوفسیزلیک وسیاسی مسئله‌لر ایش بیلرمانی عزیز استانکزی نینگ ایشانچی گه کوره: «بوندن آلدین هوا یوللری اوچقا‌لری اۉرته شرق ده‌گی مملکت‌لر فضاسیدن اوچیر اېدی، حاضر افغانستان فضاسیدن اوچماقده‌لر. بو مملکت اوچون اونملی دیر؛ چونکه بو اوچاق‌لر نینگ اوچیشیدن حق آلینه‌دی.»
اسلام امیرلیگی ایکّینچی مراتبه قدرت نی آلگنیدن سۉنگ، افغانستان فضاسیدن اوچیش‌لر سېزیلرلی درجه ده کمه‌یگن اېدی.