اسرائیل و ایران اوروشنینگ بیشینچی کونیده هم، بیر بیرینینگ مملکتیگه هجوملرینی دوام بیرگنلر. اسرائیل بوگون تهراننینگ بیر قطار بولیملری و کاشان همده تبریز شهرلرینی نشان گه آلگن که اوشبو هجوملر نتیجهسیده، ایران اهالیسیدن قطاری اولیب و یرهلنگن.
اسرائیل اردوسینینگ اعلام قیلیشیچه، ایران گه اویوشتیرگن هجوملریده خاتمالانبیا قرارگاهسینینگ ینگی قوماندانی علی شادمانینی اولدیریب و مدافعه تیزیملرینینگ اوچیریش جایینی هم نشانگه آلگن.
شونینگدیک اسرائیل باشوزیری بنیامین نتانیاهونینگ «ایبیسی» خبری ترماغی بیلن اوتکزگن صحبتلریده ایتیشیچه، ایران رهبری سیدعلی خامنهایگه هجوم قیلیش، ایکی مملکت آرهسیدهگی اوروشنینگ یکونلنیشیگه سبب بوله آلهدی. اونینگ کوپهیتیریشیچه: «ایران رهبرینینگ نشانگه آلیش نه فقط اوروشنینگ کوچهیتیرمهیدی؛ بلکیم اونی یکونلنتیرهدی. کیرهک بولگن نرسهنی عملگه آشیرهمیز. بو توغریده کوپینچه معلومات بیرمهیمن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، ایران بوگون اسرائیل برابریده هجوملرینینگ ینگی باسقیچینی باشلهگن. بو مملکتنینگ اعلام قیلیشیچه، بو هجوملرده «موساد» اسملی اسرائیلنینگ عملیاتلرنی ریجهلشتیریش مرکزی و بو مملکتنینگ «آمان» اسملی حربی استخبارات ادارهسینی نشان گه آلگن.
ایران سپاه پاسداراننینگ بیر بیانیه آرقهلی اعلام قیلیشیچه: «سپاه هوا کوچلری، تأثیرچن بیر حرکت دوامیده، برچه زمانهوی پدافندلر بیلن، بو مملکت پایتختی تلآویوده اسرائیل رژیمی اردوسینینگ عملیاتلرنی ریجهلشتیریش مرکزی (موساد)نی نشانگه آلگن و بو مرکز همان آلاو گه یانماقده دیر.»
شونینگدیک اسرائیل ییتکرمهلرینینگ گزارش بیریشیچه، ایران اسرائیل تامان ۳۰ دن آرتیق بالیستیک راکتهنی آتیب و نیچه بولیم جملهدن تلآویو شهرینی نشانگه آلگن که بو هجوملر نتیجهسیده، اوندن آرتیق کیشی یرهلنگن.
بیزلرنینگ فیسبوک صحیفهمیزگه باش اورینگ!
ایران و اسرائیل آرهسیده اوروشنینگ دوام قیله یاتگنی بیرحالده، جی ۷ گروهی رهبرلری قوشمه بیر بیانیهده اورته آسیاده کیسکینلیکلر کمهیشینی ایستهب و اورغولشیچه، اسرائیل اوزیدن دفاع قیلیشگه حقی بار و ایران هیچ قچان هستهای قورال گه ایگه بوله آلمهیدی.
بو ییغیلیشده امریکا جمهور باشلیغی دونالد ترامپنینگ ایتیشیچه، ایران اسرائیل بیلن اوروشده غالب بوله آلمهیدی و تیزلیک بیلن مذاکره گه حاضر بولیشی کیرهک. «ایراننینگ بو اوروشده غالب بوله آلمسلیگینی ایتهمن و اولرنینگ مذاکره قیلیشی کیرهک. کیچ بولمسدن آلدین تیزلیک بیلن مذاکره قیلسینلر.»
اسرائیل ۲۳-جوزا، جمعه کونی ایرتهلب ایرانگه راکته هجوملرینی باشلهگن که اونینگ نتیجهسیده، اوشبو مملکتنینگ ییریک حربی قوماندانلری و هستهای عالملریدن قطاری اولگن. شونینگدیک ایران هم بو اقدام گه قرشی، راکته و پهپادی هجوملری بیلن اسرائیل شهرلرینی نشان گه آلگن.
