اسلام امیرلیگی سودا و صناعت وزیرلیگینینگ اعلام قیلیشیچه، ۱۴۰۴-ییل باش آلتی آیده افغانستان و پاکستان اورتهسیدهگی سودا آلیش-بیریش حجمی، بیر میلیارد ۱۰۸ میلیون دالر گه ییتیشگن.
اوشبو وزیرلیک، بوگون (۶-میزان، یکشنبه)، بیر بیانیه آرقهلی یازیشیچه، پاکستان گه افغانستاننینگ صادراتی ارزشی ۳۰۴ میلیون دالر بولگن.
سودا و صناعت وزیرلیگینینگ معلوماتی اساسیده، افغانستان جاری ییلنینگ باش آلتی آییده، پاکستان دن ۸۰۴ میلیون دالر واردات قیلگن.
تاش کومیر، پروسس بولگن تالک تاشی، ماش، بادرنگ، لوبیا، تنباکو و عدس، افغانستان دن پاکستان گه صادر بولگن اصلی توارلر دیر. شونینگدیک پاکستان دن ایسه برنج، سمنت، طبی دارولر، تورلیخیل کییم و کچالو افغانستان گه وارد بولگن.
