بلخ ولایتی مقامی یېتکرمه‌لر مرکزی، اسلام امیرلیگی لیدری شیخ هبت‌الله آخوندزاده، ۱۹-سنبله، دوشنبه کونی اوشبو ولایت گه قیلگن سفری دایره‌سیده بو ولایت نینگ محلی مسئوللری، دین عالملری و خوفسیزلیک کوچلری بیلن اوچره‌شگنینی معلوم قیلگن.
بلخ ولایتی مقامی ترقه‌تگن بیانیه‌سیده، اسلام امیرلیگی رهبری اوشبو ولایت محلی مسئوللریدن، اسلامی تېزیم مستحکم‌لنیشی اوچون بیرینچیدن شریعت نی اۉزلری و کېین اېسه اهالی اوستیگه تطبیق اېتیش بویروغینی بیرگنینی بیلدیرگن.
بیزلرنینگ فیسبوک صحیفه‌میزگه باش اورینگ!
شیخ هبت‌الله آخوندزاده، اۉز بیاناتیده اتفاق، بیردملیک و برادرلیک اوستیگه تأکیدلب و بلخ ولایتی محلی مسئوللریدن تفرقه، قوم‌پرست‌لیک، تیل و سمتی قرشی‌لیک‌لر گه چېک قوییش‌لرینی سۉره‌گن.
بیانیه ده اسلام امیرلیگی رهبری دن نقل قیلینیب کېلیشیچه: «دین عالملری و حربی کوچلر اتفاق بولیشی کېره‌ک؛ بویروغ و فرمان دن اطاعت قیلسین‌لر؛ قرشی‌لیک‌لرنی شریعت اساسیده حل قیلسین‌لر؛ ظلم نی جمعیتدن یوق قیلیب و حق نی حق‌دار گه بیرسین‌لر.»
بیزلرنینگ «ایکس» ترماغی ده هم تعقیب قیلینگ!
اوشبو ییغیلیشده شیخ هبت‌الله آخوندزاده، عمومی کیچیریم برچه تامانلمه عملگه آشیریلیشیدن ایشانچ بیلدیرگن. اونگه کوره: «اسلام امیرلیگی حاکمیتیدن سۉنگ عمومی کیچیریم اعلام بولدی و حاضرگه قدر هېچ کیم فرمان گه قرشی عمل قیلمه‌گن. قصاص آلیش و ظلم قیلیش نیتی‌میز یوق.»
اسلام امیرلیگی افغانستان بویلب ایکّینچی مرته قدرت گه اېریشگچ، بو اسلام امیرلیگی رهبری نینگ افغانستان شمالی گه بیرینچی سفر بولیب و هر ولایت نینگ محلی مسئوللری بیلن اوچره‌شگن.