احصائیه و معلومات ملی ادارهسی، کیملیکنی تصدیقلش و خطالرینی اصلاح ایتیش اوچون آلینهدیگن پول بیکار قیلینگنینی بیلدیردی.
اوشبو اداره، بوگون (۴ حوت/۲۳ فبروری، دوشنبه) ایکس صحیفهسیده بیر بیانیه ترقهتیب، اسلام امیرلیگی لیدری بویروغی بیلن اوشبو قرار قبول قیلینگنینی معلوم قیلدی.
بیانیه گه کوره، اداره خادملری تامانیدن بیلمسدن یازیلگن خطالر و ناتوغری یازولر، ولایتلر، تومنلر و آسان خدمت مرکزلریده مسئوللر تامانیدن تصدیقلنگنیدن کیین پول آلینمسدن اصلاح قیلینهدی.
بوندن آلدین، کیملیکدهگی خطالرنی اصلاح ایتیش اوچون احصائیه و معلومات ملی ادارهسی تامانیدن پول آلینر ایدی.
احصائیه و معلومات ملی ادارهسینینگ معلوماتیگه کوره، قویاش ۱۴۰۴ ییلنینگ بیرینچی آلتی آییده، بیر میلیون ۶۶ مینگدن آرتیق کیشیگه الکترونیکی کیملیک ترقهتیلگن.
