واشنگتن پُست تامانیدن ترقه‌تیلگن گزارش‌گه کوره، قطر ده آمریکا و طالبان گروهی آره‌سیده امضالنگن شرطنامه دن کیین، آمریکا نینگ افغانستانده‌گی حربی‌لری پایگاه‌لریدن ۱۰ ته‌سینی باغله‌گن. واشنگتن پسُت تامانیدن ترقه‌تیلگن گزارش گه کوره، آمریکا حربی‌لری افغانستانی ترق قیلگن صورتده، نیمه‌لر یوز بیریشی حاضرگه‌قدر بیللی ایمس.
اوشبو کونده‌لیک تامانیدن ترقه‌تیلگن گزارش‌گه ایتیلیشیچه، هلمند، ارزگان، لغمان و پکتیا ولایت‌لرده بولگن ۵ کمپ نینگ باغله‌نیشی، آمریکا بیلن طالبان گروهی آره‌سیده امضالنگن شرطنامه نینگ ماده‌لریدن بیری ایکن. مذکور کمپ‌لر باغله‌نیشی بیلن آمریکا مینگ‌لرچه حربی‌سینی افغانستاندن چیقاره‌دی.
جاری ییلده ننگرهار، بلخ، کابل، فاریاب و زابل ولایت‌لرده ۵ کمپ باغلنگن.
آمریکا تشقی ایش‌لر وزیری مایک پومپیو اوتگن “پنجشنبه” کونی فاکس نیوز ترماغی بیلن صحبت اوتکزیب، ایتیشیچه، آمریکا جمهور رئیسی دونالد ترامپ آمریکا نینگ امنیتی منفعتی تأمین بولمه‌یدیگن بولیم‌لرده حربی‌لر قالیش‌نی ایستمه‌یدی.
پومپیو گه کوره، آمریکا حربی‌لری نینگ افغانستاندن چیقاریلیشیدن اصلی مقصد، حربی‌لرنی تهدید دن اوزاق‌لشتیریش دیر.
عین‌حالده، آمریکا ملی خوفسیزلیگی کینگشی سابق مصلحت‌چیسی اچ‌آرمک ماستر، آمریکا حربی‌لری افغانستان‌نی عاجل ترک ایتیشی‌نی نفرت‌لی بیر حرکت عنوان قیلیب و آمریکا جمهور رئیسی دونالد ترامپ حربی‌لرنی افغانستاندن چیقاریش بیلن، طالبان گروهی‌گه یوتوققه قول تاپیشی‌گه یاردم بیره‌دی دیگن.
بوندن آلدین آمریکا ملی مدافعه وزیرلیگی بیر اعلامیه آرقه‌لی، جاری ییل اداغی گچه ۲۵۰۰ حربی افغانستانده قالیشدن خبر بیرگن ایدی.
بیراق، ناتو تشکیلاتی نینگ باش کاتبی ینس استولتنبرگ، ناتو نینگ ۶۶- ییل‌لیک پارلمانی ییغینیده صحبت قیلیب ایتیشیچه، آمریکالیک حربی‌لر افغانستانده کمه‌یگن حالده، هم ناتو نینگ افغانستانده حضوری دوام قیله‌دی.
