تورکیه تیکا موسسهسی، غزنی ولایتیده سلطانمحمود غزنوی قبرینینگ بعضی قسملرینی قیته توزهتگن.
سلطانمحمود غزنوی قبری و بو تاریخی آبده پارکینینگ قیته قوریش لایحهسی تیکا تامانیدن توزهلیش ایشی توگهگچ، بوگون (۴-قوس/ ۲۵-نومبر، سهشنبه کونی) فایدهلنیشگه تاپشیریلدی.
اوشبو لایحه اوچون ۹۰ مینگ دالر مصرف بولیب و اوچ آی دوامیده توزهلگن.
افغانستانده تورکیه ایلچیسی جنک اونال، بو لایحهنی فایدهلنیشگه تاپشیریش مناسبتی بیلن اۉتکزیلگن تدبیرده، مملکتی افغانستانده مدنیت و تعلیم کوچلنیشینی قۉللب-قوتلب و افغانستاننینگ آیدین کېلهجگی اوچون سعی-حرکت قیلهیاتگنینی بیلدیردی.
شو بیلن بیرگه، غزنی ولایتی اخبارات و مدنیت باشلیغی حمیدالله نثار، سلطانمحمود غزنوی قبری توزهلگنی اوچون تورکیهنینگ سعی-حرکتیدن منتدارلیک بیلدیریب و سۉنگی تورت ییل دوامیده بو ولایتده ۲۰ تاریخی آبده تعمیرلنگنینی ایتدی.
