بلخ محلی مسوول‌لری، اوشبو ولایتده بیر عیال نینگ طالبان تامانیدن اوققه توتیلگنیدن خبر بیرگنلر.
بوگون “دوشنبه” بلخ ولایتی نینگ زارع تومنی ولسوالی سیف‌الرحمان رحمانی نینگ سلام‌وطندارگه ایتیشیچه، طالبان جنگریلری اوتکن کیچه بیر عیال‌نی دولت‌گه یاردم بیریش عیبی بیلن اوققه توتگن. جناب رحمانی نینگ ایتیشیچه، طالبان جنگریلری بیرینچیدن اوشبو عیال‌نی اوز حاکمیت‌لریگه بولگن منطقه‌ده انتقال بیریب و اوندن سونگ اوققه توتگن.
اونینگ کوپه‌یتیریشیچه، طالبان گروهی اوشبو عیال نینگ جسدینی بیر چقرولیک‌که تشلگن. زارع تومنی ولسوالی گه کوره، اوشبو عیال‌نی دولت و امنیتی کوچلر بیلن هیچ‌قنده‌ی علاقه‌سی یوق ایدی و پولیس قومندانلیگی یقینیده حیات کیچیریشی سبب، طالبان تامانیدن اولدیریلگن.
زارع تومنی نینگ محلی مسووللری‌گه کوره، مذکور ۴۲ یاشیده بولگن عیال کم‌بغل بیر عایله‌دن ایکن.
بلخ پولیس قومندانلیگی سوزلاوچیسی عادل‌شاه عادل نینگ بو خبرنی تصدیق‌لب ایتیشیچه، اوتگن بیر آی جریانیده طالبان جنگریلری ایکی عیال و بیر ایرکک‌نی زارع تومنیده دولت‌گه یاردم بیریش عیبی بیلن اوققه توتگن.
ایتیلیشیچه، طالبان جنگریلری ایکی کون آلدین محلی اردو بیر عضوی نینگ تورموش اورتاغی نی سرپل ولایتیده اوققه توتگن ایدی.
