کاپیسا محلی مسوول‌لری نینگ ایتیش‌لریچه، اوتگن هفته لغمان ولایتی نینگ دولت‌شاه تومنیدن کاپیسا ولایتی نینگ اله‌سای تومنی تامان باره‌دیگن ۱۶ فوتبالچی طالبان تامانیدن اوغیرلنگن ایدی.
کاپیسا ولایتی نینگ اله‌سای تومنی ولسوالی غلام‌نقشبند صافی نینگ سلام‌وطندارگه ایتیشیچه، طالبان جنگریلری مذکور کیشی‌لرنی اوشبو تومن نینگ «اسکین» دره‌سیدن اوغیرلب «شپی» دره‌سیگه انتقال بیرگن.
اله‌سای تومنی ولسوالی‌گه کوره، اوشبو رقم یاش‌لر هماهنگ‌لیک قیلمه‌سدن لغمان ولایتی نینگ دولت‌شاه تومنیدن کاپیسا ولایتی نینگ اله‌سای تومنی‌گه کیلگن ایکنلر.
غلام‌نقشبند صافی نینگ تاکید قیلیشیچه، طالبان گروهی دین عالم‌لر و قوم بویوک‌لر بیلن اوتکزگن صحبت‌لریده قالگن ۴ یاش تیکشیریلگنیدن سونگ، آزاد ایتیلیشیدن ایشانچ بیرگن.
اله‌سای تومنی ولسوالی نینگ کوپه‌یتیریشیچه، اوغیرلنگن ۱۶ کیشی دن ۱۲ ته‌سی محلی قوم بویوکلرنینگ دخالتی سبب، آزاد ایتیلگن.
مذکور سپورتچی‌لرنینگ اوغیرلنیشیدن ۶ کون اوتماقده، لیکن کاپیسا ولایتی کینگشی اوشبو واقعه‌دن خبری یوقلیگینی بیلدیرگن. کاپیسا ولایتی کینگش باشلیغی محمدحسین سنجنی سپورتچی‌لرنینگ اوغیرله‌نیشی خصوصیده معلوماتی یوقلیگینی بیلدیرگن.
کاپیسا امنیتی مسوول‌لری بوتوغریده جواب قیتریش‌نی ایستمه‌گن و طالبان گروهی هم حاضرگه‌قدر بوتوغریده فکر بیلدیرمه‌گن.
