قرانغولیک و قیینچیلیکلر آرهسیده، کوپینچه کیشی یارغولیک ایزلهیاتگن بیر پیتده، قندهار ولایتی یشاوچیسی بولمیش ۲۵ یاشر سدیس آتش، قاره کومیر بیلن رساملیک تختهلریده یارغولیکنی ایزلهیدی. او طبیات بولیمی طلبهسی بولیب، درس اوقیش یانیده کومیر بیلن رساملیککه باشلهب و بو صناعتنی اوز حس-تویغولری و ساغینچلری اوچون بیر پناه صفتیده تاپگن.
اوز باشیمچهلیک شکلده رساملیکنی اورگنگن سدیس، باش صناعتی اثرینی درسی کتابینینگ آخرگی صحیفهسیگه چیزگن که بو ساده دیزان، صناعت توغریسیده قیزیقیشی اوچون باشلهنیش نقطهسی بولگن. یقین دوستلرینینگ تشویقی بیلن بو یولنی دوام بیرگن. «بیرینچی چیزگنیم رسم، کتابیمنینگ آخرگی صحیفهسیگه ایدی که بیر کوزنی چیزگن ایدیم. اوشه رسمیمنی یقین دوستلریم کورگنیده، کوپ تشویق قیلدیلر و خوشلری کیلدی. ایتیشیم کیرهک که مین رساملیکنی هیچ کیمدن اورگنمهگنمین. بعضا بعضی جایلرده قیینچیلیک بیلن روپهره بولگنیمده، باریب یوتیوبدن کورهر ایدی. استادیم یوق و اوزیم اورگنگنمین.»
بیزلرنینگ فیسبوک صحیفهمیزگه باش اورینگ!
سدیس، کرونا ویروسی ترقهلگنی سبب قرنطینه دورانینینگ باشیده، حیاتیگه یالغیزلیک و ساغینچ سایهسی توشگن بیر پیتده، حیاتیدهگی بوشلیقنی تولدیریش یولینی ایزلهردی. اونینگ ایتیشیچه: «قرنطینه دورهسیده یالغیز حیات کیچیریشیم باعث، بعضا ساغینچ باسردی و وقتیمی اوتکزیش اوچون بیرار مصروف قیلهدیگن نرسه ایزلب یوریدیم و نهایت رسم چیزیشگه ییتیشدیم.»
بو باشلهنیش، اونینگ اوچون فقط ساده بیر مصروفیت ایمس، بلکیم ایچکی دنیاسیده پیشیب باتگن حیس-تویغولرنی افاده ایتیش اوچون یول ایزلش ضرورتیگه اَیلنتیرهدی. سدیسنینگ رسملری آیینه کبی بولیب و اونینگ ایچکی حس-تویغولرینی نمایش گه قویهدی. او قاغاز یوزیگه هر بیر سایه و چیزیقنی چیزیش بیلن فکر و توشینچهلرینی تشقی دنیا گه ییتیشتیرهدی. اوشبو قاره و قرانغو رسملرده، او ساغینچ، آغریق و امید ایزلش حکایهسینی یازهدی. «رسملریمدن کوپینچهسینی ساغینچ و ناراحتلیک سبب چیزهمن.»
سدیس کوپینچه کورگزمهلر و گالریلر گه شرکت قیلیب و اثرلری ساتیلیشی اوچون بیر قطار تکلیفلرنی قولگه کیلتیرگنی بیلن، لیکن اثرلریدن هیچ بیرینی ساتمهیدی. اونینگ اوچون هر بیر اثری تنینینگ بیر بولیمی بولیب و اولردن جدا بوله آلمهیدی. «کوپینچه کورگزمه و گالریلرگه شرکت قیلگنمین؛ کوپ تشویق بولیب و یخشی تکلیفلرنی قولگه کیلتیرگنمین؛ لیکن حاضرگچه اثرلریمدن هیچ بیرینی ساتمهگنمین، چونکه اولرنینگ هر بیری بیلن اَیری بیر باغلیقلیگیم بار.»
بیزلرنینگ «ایکس» ترماغی ده هم تعقیب قیلینگ!
سدیس، اوزی و اطرافیدهگی دنیانی چقور انیقلهگن حالده، صناعتنینگ فقط حس-تویغولرنی افاده ایتیش واسطهسی ایمس، بلکیم ایچکی عالمنی انیقلش و حیاتدهگی معمالر آرهسیده خاطرجمعلیککه ایریشیش یولی بولیشی ممکنلیگیگه ایشانهدی و یاشلر گه توصیه قیلهدی: «اوزلرینگیزنی تانیش اوچون وقت بیرینگ و صبر قیلینگ که یخشی نتیجه بیریشی ممکن.»
سونگی ییللرده یاش صناعتچیلردن کوپ قطاری مالی حمایت و ساتیلیش بازاری یوقلیگی کبی قیینچیلیکلر بیلن روپهره بولگنلری بیرحالده، سدید آتش صناعت گه بولگن محبت و استقامت رمزی صفتیده اوز یولینی دوام بیرماقده و برچه توسیقلرگه قرهمهی، آرزولرینی حقیقتگه اَیلنتیریش یولیده حرکت قیلماقده و صناعتدن اوز حس-تویغولری همده شخصی تجربهلری افادهسی صفتیده فایدهلنماقده.
