اطراف آق و قاره مرمر تاشلر بیلن توله، اولرنینگ کوپینچهسی عربچه و فارسچه خطاطلیک بیلن بیزهتیلگن؛ قرآنکریم آیتلری، مذهبی جملهلر و قبرلرده ابدی قالیشی مولجللنگن آتلر بیتیلگن.
استاخانهنینگ بیر بورچهگیده چنگگه بیلنگن قوللری و ایچ-ایچیگه باتگن کوزلری بیلن، بیر کیشی تاش بولهگیگه ایگیلیب ایشلهماقده.
۳۹ یاشر اویمهکار حسین ایثاری، هر کونی چرچهگن قوللری و رنگلی قلملری بیلن قبر تاشلر اوستیگه آتلر و سنهلرنی اوییب یازهدی؛ بو یادگارلیکلر مرحوملرنینگ عایلهلری اوچون ابدی قالهدی.
بیزلرنینگ فیسبوک صحیفهمیزگه باش اورینگ!
اونگه کوره: «بیزنینگ تویغومیز امیدسیزلیک دیر و بو اونچهلیک فخرلنهدیگن ایش اېمس. چونکه بو ایش کسبیمیز گه ایلنگن، هنریمیز شونگه ایلنیب قالگن. افغانستانده همه اۉز کسبیدن نالیدی – اگر تیمیرچینینگ آلدیگه بارسنگ، او بیچاره تیمیرچی بولیب قالدیک دیېدی، اگر تیکووچینینگ آلدیگه بارسنگ، او هم بیچاره تیکووچی بولیب قالدیک، تانگگچه تیکووچیلیک قیلهمن دیب شکایت قیلهدی.»
ایثاری کییملرینی قبر تاشینینگ چنگی قاپلهگن حالده، او اوروش، کسللیک، مهاجرت همده آدملرنینگ اچیق-شیرین واقعهلرینی شو تاشلرده اوییب یازیشینی بیلدیرهدی.
اونینگ ایتیشیچه: «ایلگری کوپلب پارتلشلر، اوغریلیک، قتل کوپ بولردی، کېین اېسه اوشه قربانلرنینگ یقینلری مرحومنینگ تاشلرینی بیز گه آلیب کیلیشر و فلانچینی بیر تلفون اوچون اولدیریشدی، جوده ارزیمس پول عوضیگه جانیدن ایریلدی دیب ایتیشردی. بو بیز اوچون جوده آغیریقلی ایدی.»
بیزلرنینگ «ایکس» ترماغی ده هم تعقیب قیلینگ!
بو اویمهکار گه کوره، قبرتاشلر گه اساساً آت، توغیلگن سنه و قیسقه بیر جمله یازهدی؛ بو جمله حیاتنینگ فانی و اوتکینچی اېکنینی کورسهتیب، باشقهلر اوچون عبرت، اوتگنلرنینگ حیاتیدن ایسه بیر یادگارلیک بولیب قالهدی.
اونینگ ایتیشیچه، بیر نیچه ییل آلدین غرب قسمی حدودلریده صادر بولگن پارتلشده فرزندینی یوقاتگن بیر آنه استاخانهسیگه کیلیب، قیزینینگ قبر تاشیگه بیر شعر اوییب یازیب بیریشنی سورهگن.
حسین گه کوره، اوشه کونی قوللری کیچگچه تیترب و او تون بویی ییغلب تانگ آتتیرگن.
اونینگ کوپهیتیریشیچه، او قبرتاشلردن تشقری موسسهلر و مسجدلر اوچون هم اویمهکارلیک ایشلر قیلهدی همده بویورتمهلرنینگ کوپینی آنلاین طرزده قبول قیلهدی. «عموماً آلگنده بیزده قبرتاشلر هم بار، موسسهلر و مسجدلر اوچون لوحهلریمیز. بویورتمهلرنینگ اکثریتینی آنلاین آرقهلی قبول قیلهمن. اولرنینگ اوستیگه اساساً دینی متنلرنی اوییب یازهمن.»
اوستخانه قرانغولیککه چوکیب، همه نرسه ساکنلشگنده، قلمنینگ آوازی و بالقه (چکش) ضربهلری هم جیم بولهدی؛ بیراق قالهدیگن یگانه نرسه، قبرتاشلرگه اوییب یازیلگن نقش و سۉزلر دیر.
