قیزلر یوزیگه بیلیم یورتلر ایشیگی یاپیلگچ، کوپینچه آرزو و ایستهکلر اونوتیلیشده یوقالگن و قیزلر ایسه یکّهلیککه چکینیب، اوزلرینی اوی دیوارلریگه تاپشیرگنلر، بیراق اوشبو چیکلاولر آرهسیده کابل یشاوچیسی بولمیش ۲۳ یاشر زینت خلوتی، تحصیلدن محروم قالیش افسردهلیگیگه قرشی کورهشیب و «بار بولیش» اوچون توختهگن.
او، بیلیم یورت گه باره آلیشدن محروم بولیب قالگن کونلرده، رنگلر و کالیگرافی تابلولری بیلن توله بیر فضاده، خطلر و رنگلر آرهسیدن امیدنی تشقیگه چیقیریش مقصد سعیوحرکت قیلهدی. «حیات توختهگن کبی بولدی، بیراق اوزیمگه بونی قبول قیلدیردیم که بو رقم بولمهیدی. اوزیمگه قچانگچه افسرده بولیب اولتیرهی، قچانگچه بو وضعیت بولسه و قیته ایاقده توختهش کیرهک دیدم.»
بیلیم یورتده قیزلر تحصیلی تقیقلنگنی پیت، زینت تورک تیلی و ادبیات فاکولتهسی بیرینچی صنف طلبهسی ایکن. او، قیته درسی صنفگه باره آلمسلیگیدن امیدسیز بولیب و افسردهلیک بیلن قرشی کورهشهیاتگن کونلردن بیریده، برچه اورگنگنی نرسهلرنی باشقهلرگه اورگهتیشگه قرار آلگن و کوپینچه سعیوحرکت بیلن حاضر، آنلاین شکلده تحصیلدن محروم قالگن باشقه قیزلرگه تورکچه اورگتهدی. «ینگی بیر تیل ایدی، اوزیم بیلن ایشلهدیم و کیین اونی باشقهلرگه اورگتماقچین بولدیم. افغانستانلیک قیزلرگه رایگان شکلده درس بیردیم و حاضر آنلاین صنفلریمده ۴۰ کیشی بار.»
تورکچهنی اورگهنیش و اورگهتیش زینتنینگ کوندهلیک ایشلری بیر قسمی دیر. او حیات یوکینی بیراز یینگیللشتیریش و بوش ساعتلرینی تولدیریش اوچون کالیگرافی قیلهدی. «تحصیلدن قالیب و اویده بولگن و تشقیده هیچ قندهی فعالیتی بولمهگن بیر کیشی اوچون کوپ وقت بار. کالیگرافینی هم باشلهدیم و اوزیم بو توغریده ایشلهیمن.»
کالیگرافی زینت اوچون نهفقط وقت اوتیشنی قولیلشتیرگن، بلکیم عایلهگه مالی نقطهی نظریدن تیگیشلی بولیشی کمهیشیگه هم یاردم بیرگن. او حاضر هنری اثرلرینی ساتیش و بویورتمهلر آلیش بیلن اوزیگه بیراز درآمد قولگه کیلتیریش یولینی تامینلهگن. «حاضر اوزیم بیراز درآمد قولگه کیلتیره آلهمن، اونچه کوپ بولمسهده اوز قیینچیلیکلریمنی حل قیله آلهمن. بعضا هیچ درآمدیم هم بولمهیدی و بعضا ایسه نیچه سفارشیم بولیب و قریب ۴-۵ مینگ بولهدی.»
زینت تورکچه درس بیرمسدن و کالیگرافیگه یوز کیلتیرمسدن آلدین، افسردهلیککه چلینیب و اونی اورهب آلگن عذابلردن قوتیلیش اوچون یازیشگه یوز کیلتیرگن که بو یازیشلر قیینچیلرینینگ چیتگه سوریشیگه یاردم بیرگن. اونگه کوره، یازیش بیلن قیینچیلیکلرینی باشقهلرگه بیان قیلماقچین. «اوزیم بیلن قرار آلدیم که سیسیم دنیا گه ییتیشمسهده؛ یازهمن که اوقیسینلر. مینی تیلیمدن ایشیتمسهلرده، اوز تیللریده اوقیسینلر. کتاب یازماقچین بولگنیمده، هر کیچه آز-آز یازهر ایدیم، کتاب بولیشینی توشینمس ایدیم؛ لیکن بولدی.»
زینتنینگ آز-آز یازگن نرسهلری، رمان گه اَیلندی که بو رماندهگی اصلی شخصیت بیر ییگیت دیر؛ چونکه زینت حیات قیینچیلیکلرینی بو ییگیت آرقهلی تجربه قیلیب و اونی بیان قیلماقچین ایکن. بو رمان، مالی قیینچیلیکلر سبب چاپ بولمهگن؛ لیکن اونینگ پیدیافی گروپلرگه شریک بولگن.
زینت هر کونی طلبهلیگینینگ بیتمهگن خیالی بیلن کمپیوتری یانیگه اولتیریب، امیدسیزلیکلر و قیینچیلیکلر آرهسیده دوام بیریش اوچون بیر سببگه ایگه بولیشلری مقصد، تحصیلدن محروم قالگن قیزلرگه تورکچه اورگتهدی.
بیزلرنینگ فیسبوک صحیفهمیزگه باش اورینگ!
