ننگرهار ولایتیدن محلی منبعلرنینگ ایتیش‌لریچه، بو ولایت نینگ سرخرود تومنیده ملی خوفسیزلیک کوچلری آرقه‌لی یولگه قوییلگن بیر عملیاتده، داعش گروهی نینگ مطبوعات مسئولی قولگه آلینگن.
ننگرهار حاکمی نینگ مطبوعات دفتری بوگون بیر اعلامیه ترقه‌تیب ایتیشیچه، بو عملیات اوتگن کیچه ملی خوفسیزلیک کوچلری آرقه‌لی سرخرود تومنی نینگ «فامیل سیاف» منطقه‌سیده یولگه قوییلگن.
شونینگدیک ننگرهار حاکمی سوزلاوچیسی عطاالله خوگیانی نینگ ایتیشیچه، مذکور عملیات جریانیده داعش گروهی نینگ مطبوعات مسئولی نی ۶ همکاری هم قولگه آلینگن.
خوگیانی گه کوره، بو عملیات جریانیده امنیتی کوچلر و تینچ‌اهالی گه هیچ قنده‌ی ضرر ییتیشمه‌گن.
افغانستان شرقیده قرار تاپگن ننگرهار ولایتی مملکت نینگ ناتینچ ولایت‌لریدن بیری سنله‌دی. داعش گروهی بو ولایت نینگ اوز مرکزلری صفتیده ایسله‌یدی.