اېرته (۱۳-میزان جمعه) کونی روسیه، چین، ایران، اۉزبېکستان، پاکستان، هندوستان، قزاقستان، تاجیکستان و تورکمنستان «فرمت مسکو» آلتینچی ییغیلیشیده افغانستان مسئله‌سینی بحث گه آلیش‌لری کوتیله‌دی.
روسیه تشقی ایشلر وزیرلیگی نینگ معلوماتی اساسیده، بو ییغیلیشده مملکت‌لر نینگ اسلام امیرلیگی بیلن مناسبتی و «ملی یره‌ش» جریانی کوچلنتیریلیشی حقیده بحث اېتیله‌دی.
اسلام امیرلیگی تشقی ایشلر وزیرلیگی سرپرستی امیرخان متقی، اوشبو ییغیلیشده اشتراک اېتیش اوچون روسیه گه یېتیب بارگن.
اسلام امیرلیگی، بو گَل ییغیلیش‌لردن یخشی فایده‌لنیب و منطقه ده ثبات و اقتصاد تېکلنیشی گه سبب بولیشی اوچون امید بیلدیره‌دی.
بیزلرنینگ فیسبوک صحیفه‌میزگه باش اورینگ!
اسلام امیرلیگی سۉزلاوچیسی اورین باسری حمدالله فطرت نینگ ایتیشیچه: «اسلام امیرلیگی بو کبی ییغیلیش‌لردن مثبت فایده‌لنه‌دی و بو گَل ییغیلیشلر مملکت‌لر نینگ مناسبت‌لری مستحکم‌لنیشی گه سبب بوله‌دی.»
ایش بیلرمان‌لر گه کوره، اوشبو ییغیلیشده اشتراک اېتگن مملکت‌لر نینگ سیاسی ملاحظه‌لری طفیلی، افغانستان احوالی اۉزگریشی اوچون ایجابی نتیجه بیرمه‌یدی.
سیاسی مسئله‌لر بیلرمانی سیداکبر سیال نینگ ایتیشیچه: «بو فرمت توزه‌لگنیدن بېری، برچه ییغیلیش‌لرده اسلام امیرلیگی چقیریلگن، اسلام امیرلیگینی تن آلیش اوچون مسئله‌لر حاضرگه قدر ایجابی نتیجه بیرمه‌گن، چونکه مملکت‌لر نینگ افغانستان گه دایر ملاحظه‌لری بار.»
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لر نینگ ایشانچی گه کوره، مسکو فرمت کبی ییغیلیشلر افغانستان اوچون فایده‌لی دیر، بیراق بو ییغیلیشلر کوپراق مملکت‌لر نینگ خواطرلرینی حل قیلیش مقصدیده یولگه قوییلیب و افغانستانده‌گی احوال اۉزگریشی اوچون ایجابی نتیجه بیرمه‌یدی.
خلق‌ارا ایش بیلرمان‌لردن نورالرحمان ثاقب نینگ ایتیشیچه: «افغانستان خصوصیده هر قنده‌ی ییغیلیش، افغانستان اینیقسه حاضرگی حکومت گه فایده‌سی بار، بیراق بو ییغیلیشلر کوریلیشی کبی شرق و غرب اورته‌سیده رقابتی شکلده یولگه قوییلسه، اوتگن ۵۰ ییل کبی افغانستانده قیینچیلیک‌لر دوام تاپه‌دی.»
خلق‌ارا ایش بیلرمان‌لردن باشقه بیری مجددالدین خراسانی گه کوره: «مینیم‌چه، روسیه و چین اسلام امیرلیگینی منطقه‌وی خوفسیزلیکّه جدی یانده‌شیش‌گه حرکت قیلماقده و شونینگدیک باشقه بیر قطار مسئله‌لر بار که روسیه و چین احتیاط‌کارلیک بیلن حرکت قیله‌دی.»
دنیا ده‌گی ایکّی بویوک قدرت، سۉنگی اوچ ییلده اسلام امیرلیگی بیلن یقینده علاقه ده بولسه‌لرده، باشقه مملکت‌لرنی هم سرپرست حکومت بیلن همکارلیک قیلیش گه ترغیب قیلیب کېلگنلر.
