بوگون (سه‌شنبه،۲۵– قوس) ساغلیق‌نی سقلش وزیرلیگی، بیر اعلامیه ترقه‌تیب اوتگن ۲۴ ساعت جریانیده کرونا ویروسی باعث، افغانستانده ۲۶ کیشی دنیا دن اوتگنیدن خبر بیرگن.
ساغلیق‌نی سقلش وزیرلیگی نینگ اعلان قیلیشیچه، ۲۴ ساعت جریانیده کرونا ویروسیگه شبهه‌لی ۱ مینگ و ۴۵۱ کیشی دن آلینگن نمونه‌لر تیکشیریلگن و بو جمله دن ۲۵۶ ته‌سی نینگ نتیجه‌سی ایجابی اثبات‌لنگن.
اوشبو وزیرلیک تامانیدن ترقه‌تیلگن گزارشگه کوره، ۲۴ ساعتده کرونا ویروسیگه چلینگن‌لردن ۹۰ ته‌سی درمانلنگن دیر.
شونینگدیک، اوتگن ۲۴ ساعت جریانیده، هرات دن ۱۲ کیشی، کابل دن ۶ کیشی، بلخ دن ۴ کیشی، پنجشیردن ۲ کیشی، فاریاب و سمنگان ولایت‌لریدن بیر-بیر کیشی کرونا ویروسی باعث جان بیرگن.
ساغلیق نی سقلش وزیرلیگی نینگ رقمی گه کوره، کرونا ویروسی چیققنی دن بویان حاضر گچه افغانستان ده ۴۹ مینگ و ۷۴۰ کیشی کرونا ویروسی گه یولیققن و ۲ مینگ و ۱ کیشی جان بیرگن و ۳۸ مینگ و ۵۰۰ کیشی ساغه‌یگن.
ساغلیق نی سقلش وزیرلیگی تامانیدن ترقه‌تیلگن گزارش گه کوره، کرونا ویروسی چیققنی دن بویان حاضر گچه ۱۷۲ مینگ و ۳۰۶ کیشی افغانستان ده تیکشیریلگن.
هرات ساغلیق ریاستی مسؤل‌لری نینگ ایتیش‌لریچه، اوتگن ایکی هفته ده کرونا ویروسی گه یولیققن ۵۳ مینگ و شبهه لی بولگن ۱۱ کیشی اوشبو ولایت ده قید ایتییلگن.
هرات ساغلیق ریاستی باشلیغی نینگ سوزلاوچیسی محمد رفیق شیرزی سیلام‌وطندار گه ایتیشیچه، اوتگن ایکی هفته ده کرونا ویروسی گه یولیققن ۵۳ مینگ کیشی و شبهه لی بولگن ۱۱ کیشی اوشبو ولایت شهید بسیم کسل‌خانه‌سیده قید ایتییلگن.
انه‌شوحالده هرات ولایتی مدنی فعال‌لری بیر قطاری نینگ ایتیش‌لریچه، کرونا ویروسی دن جان بیرگن کیشی‌لر نینگ رقمی، ساغلیق ریاستی تامانیدن ترقلگن رقمدن یوقاری بولگن.
هرات ولایتی مدنی فعالی جواد عمید سلام وطندار گه ایتیشیچه، کرونا ویروسی بولگن کوپینچه کیشی‌لر اوی‌لریده جان بیره‌دیلر و ساغلیق ریاستی گه قید ایتیلمه‌یدی.
