اروپا اتفاقی انسان سیورلیک یاردملرینینگ ایککینچی پاکتی، کابل خلقارا هوا قونالغهسیده یېتیب کېلگن.
اروپا اتفاقینینگ یقین شرق، جنوب و غرب همده مرکزی آسیا بولیمی مسئولی آندرس پاپا کنستانتینو، ایکس صحیفهسیده بیر بیانیه ترقهتیب، بو یاردملر ۲۷-جوزا، سهشنبه کونی کابل گه یېتیب کېلگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بو یاردملر قریب ۱۰۰ تُن ضروری نرسهلردن عبارت بولیب و افغانستان گه تاپشیریلگن.
اروپا اتفاقینینگ یقین شرق مسئولی، میلادی ۲۰۲۱-ییلده انسان سیورلیک یاردملر هوا کوپریگی آچیلگنیدن بیری، حاضرگچه افغانستان گه ۴۰ دن آرتیق پرواز عملگه آشیریلگنینی بیلدیرگن.
اروپا اتفاقی گه کوره، حاضرگه قدر توپلم شکلده ایککی مینگ ۱۵۰ تُن یاردم، بو اتحادیهنینگ انسان سیورلیک هوا کوپریگی آرقهلی، افغانستان گه انتقال بیریلگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، بیرلشگن ملتلر تشکیلاتی، افغانستاننینگ یریم اهالیسی (۲۲ میلیون کیشی) انسان سیورلیک یاردملر گه محتاجلیگینی اېتگن اېدی.
شونینگدیک اوشبو تشکیلات، افغانستانده محتاجلر گه یاردم کورسهتیش اوچون بودجه آزلیگیدن خواطر بیلدیرگن.
