بلخ ولایتی یشاوچیلری، اوشبو ولایت مرکزی مزارشریف شهریده ایکی کوندن بیری کیبلی و وایفای انترنت خذمتلری کېسیلگنینی ایتهدیلر.
اولر گه کوره، ۲۴-سنبله، دوشنبه کوندن بیری ادارهلر، شرکتلر و یشش اویلرنینگ کیبل و وایفای انترنتی کېسیلگن.
بلخ یشاوچیلری، حاضرگی کونده فقط مخابرات ترماقلری آرقهلی انترنتدن فایدهلنیشماقدهلیکلرینی معلوم قیلهدیلر.
اوشبو ولایت یشاوچیلری، کیبلی و وایفای انترنتی کېسیلیشی بیلن ایش و تعلیم جریانینی قیینچیلیک بیلن روپهره قیلگنینی اېتهدیلر.
شو بیلن بیرگه، بلخ محلی مسئوللری، اوشبو خبرنی تصدیقلب ایتیشلریچه، فایبر نوری فعالیتی اسلام امیرلیگی رهبری هبتالله آخوندزادهنینگ بویروغی بیلن کېسیلگن.
بلخ حاکمی سۉزلاوچیسی عطاءالله زید ایکس صحیفهسیده، منکرات آلدی آلینیشی اوچون بوندهی قرار قبول قیلینگنینی یازگن.
زید گه کوره، فایبر نوری فعالیتی کېسیلگن و بوندن کېین قایب آرقهلی انترنتدن فایدهلنیب بولمهیدی.