نماینده‌لر کینگش اعضاسی مسعوده کروخی کابل ده، اداری فساد گه قرشی کوره‌ش ملی استراتیژی عمل گه آشیریلیشی نی تیکشیریش برنامه‌سیده، مملکتده‌گی اداری فساد توغریسیده اوز خواطرلری نی بیلدیرگن.
خانم کروخی نینگ ایتیشیچه، مملکتده اداری فساد کوپه‌یگنی باعث، یشاوچیلر یمان وضعیت گه قرارتاپگن، لیکن حکومت نینگ یوقاری مرتبه‌لی رسمی‌لری خلق نینگ وضعیتی نی توشونمه‌ی، خوش‌گذرانلیک قیلهدیلر.
خانم کروخی گه کوره، جمهور رئیس نینگ هر بیر مصلحتچیسی نی نیچه مهمانخانه‌سی بار و اوشبو مصلحتچیلر بو مهمانخانه‌لرده خوش‌گذرانلیک قیلهدیلر.
خانم کروخی نینگ بو بیاناتی حقیده جمهورلیک ریاستی بیلن علاقه قوردیک، بیراق جمهورلیک ریاستی، خانم کروخی نینگ سوزلرینی رد قیلیب و بو توغریده سند ارایه قیلینیشی نی سوره‌گن.
انه شوحالده، اداری فساد گه قرشی کوره‌ش کونیدن نشانلش مراسمی‌ده، قطار کیشیلر اداری فساد نینگ کونسایین کوپه‌یشیدن خواطر بیلدیریشگن.
افغانستان تنیق‌لیگی نی کوزه‌توچی اداره باشلیغی اکرام افضلی، افغانستان حکومتی نینگ اداری فساد گه قرشی کوره‌ش خصوصیده کوچ‌سیزلیگیدن جدی تنقید قیلیب ایتیشیچه، حکومت نینگ اداری فساد گه قرشی کوره‌شیشی، نمایشی بیر حرکت دیر. اونگه کوره، میلادی ۲۰۱۷- ییلدن بویان اداری فساد گه قرشی کوره‌ش ملی استراتیژی‌سیده کوپینچه قیینچیلیکلر بار.
ناروی نینگ افغانستانده‌گی ایلچیسی اوله اندرباس نینگ ایتیشیچه، اداری فساد گه قرشی کوره‌ش دواملی و عملی بولیشی لازم. جناب اندر باس، افغانستان حکومتی اداری فساد گه قرشی کوره‌شیش خصوصیده بیرگن سوزلرینی عمل گه آشیریلیشی نینگ لازم‌لیگی اوستیگه اورغوله‌گن.