اوزبیکستان جمهور باشلیغی شوکت میرضیایف، رسمی تکلیف بیلن پاکستان گه جونب کیتدی.
اوشبو مملکت جمهورلیک ریاستی، بوگون (۱۶ دلو / ۵ فبروری، پنجشنبه) بیر بیانیه ترقهتیب بو حقده خبر بیردی.
بیانیه گه کوره، میرضیایف جنابلری، پاکستان باش وزیری شهباز شریفنینگ تکلیفی گه بناً بوگون رسمی تشریف بیلن اوشبو مملکت گه جونب کیتگن.
اوزبیکستان جمهور باشلیغی، اسلامآباد شهریده عالی درجهدهگی مذاکرهلر و استراتیژیک همکارلیک کینگشینینگ بیرینچی ییغیلیشی گه اشتراک ایتیشی کوتیلهدی.
شوکت میرضیایف جنابلری، اوشبو سفری دایرهسیده پاکستان ییریک عملدارلری بیلن ایکی مملکت اورتهسیدهگی دوستلیک و استراتیژیک شیریکلیک مناسبتلرینی ینهده مستحکملش مسئلهلری حقیده بحث ایتیشی ممکن.
بوندن اولراق، قزاقستان جمهور باشلیغی قاسم جومارت توکایف، پاکستان گه سفر قیلیب و اوشبو مملکت عملدارلری بیلن تورلی ساحهده شرطنامه امضا قیلگن، اولر جملهسیدن قزاقستان و پاکستان، افغانستان یونهلیشی آرقهلی سودا آلیش-بیریش گه کیلیشگنلری ایتیلگن.
