ایران یېتکرمه‌لری، تیک‌اوچ قولشی عاقبتیده اوشبو مملکت جمهور باشلیغی ابراهیم رئیسی، تشقی ایشلر وزیری حسین امیر عبداللهیان و اولرنی همراه‌لیک قیله‌دیگن باشقه کیشی‌لر نینگ اولیمینی تصدیقله‌گنلر.
مهر آژانسی بوگون (۳۱-ثور، دوشنبه کونی) ابراهیم رئیسی و حسین امیرعبداللهیان نینگ اولیمینی تصدیقله‌گن.
بیزلرنینگ فیسبوک صحیفه‌میزگه باش اورینگ!
ایران رسمی‌لری، بو مملکت جمهور باشلیغی و همراه هیئتی نینگ اولیمینی حاضرگچه رسمی شکلده تصدیقلمه‌گنلر.
ایران یېتکرمه‌لری نینگ معلوماتی اساسیده، اوشبو مملکت جمهور باشلیغی ابراهیم رئیسی، تشقی ایشلر وزیری حسین امیر عبداللهیان و باشقه بیر قطار کیشی‌لر بولگن تیک‌اوچر، اۉتگن کون ایران آذربایجان شرقی ولایتیده «دیزمار اورمانی» ده قوله‌گن.
بیزلرنینگ «ایکس» ترماغی ده هم تعقیب قیلینگ!
رئیسی یک‌شنبه کونی ایران بیرقطار عملدارلری بیلن شرقی آذربایجان گه بارگن اېدی و آذربایجان جمهور باشیلغی الهام علی‌اوف بیلن بیرگه، ارس چېگره دینگیزی ده بو ایکّی مملکت یاردمی بیلن قوریلگن «قیز قلعه توغانینی» افتتاح قیلگنلر. بو واقعه رئیسی بولگن تیک‌اوچر ایران تبریز تامان یوللنگن بیرحالده یوز بیرگن.
