تورکمنستان گازینی افغانستان آرقه‌لی پاکستان و هندوستان گه انتقال بیرووچی تاپی لایحه‌سی عملی ایشی، بوگون (۲۱-سنبله، چهارشنبه) افغانستانده رسمی طرزده باشلندی.
تاپی لایحه‌سی ایشی باشلنیش مناسبتی بیلن یولگه قوییلگن احتفالده، افغانستان و تورکمنستان رسمی‌لری، منطقه ده بو کبی بویوک لایحه‌لر عملگه آشیریلیش اهمیتی گه اوستیگه تأکید اېتگنلر.
تورکمنستان جمهور باشلیغی قربان‌قلی بیردی محمدوف نینگ ایتیشیچه: «بو لایحه افغانستان و تورکمنستان خلقی نینگ اورتاق‌لیک و برادرلیک بیلگیسی دیر، اوشبو لایحه عملی ایشی اوچون افغانستان نینگ اشتراک اېتیشیدن افغان برادرلردن منتدارلیک بیلدیره‌من.»
بیزلرنینگ فیسبوک صحیفه‌میزگه باش اورینگ!
کابل و عشق‌آباد اۉرته‌سیده‌گی شرطنامه اساسیده، افغانستانده تاپی لایحه‌سی گه قۉشیمچه، فایبر نوری، تورغندی-هرات تیمیر یولی و نورالجهاد برق سب استیشن ایشلری عملی شکلده باشلنیشی کوتیله‌دی.
اوشبو لایحه‌لر ایشی عملگه آشیریلگن حالده، افغانستان خلقی ارزان گاز دن فایده‌لنیب، ترانزیتی درآمدی و ترانزیتی مناسبتی مستحکم‌لنیشی و مملکتده انترنت صفتی یخشی‌لنیشی گه سبب بولیشی ممکن.
اسلام امیرلیگی سۉزلاوچیسی ذبیح‌الله مجاهد، افغانستانده مذکور لایحه‌لر اهمیتی حقیده ایتیشیچه: «افغانستان‌لیک‌لر نینگ رویالری حاضر عملی بولماقده و بو لایحه اوچون ۳۰ ییلدن بیری کوتماقده اېدیک و تاپی لایحه‌سی افغانستان و منطقه اقتصادی اوچون مهم دیر.»
بیزلرنینگ «ایکس» ترماغی ده هم تعقیب قیلینگ!
تاپی لایحه‌سی عملی ایشی باشلنیش شرطنامه‌سی تورکمنستان، افغانستان، پاکستان و هندوستان اۉرته‌سیده جمهوریت توزومیده امضالنگن.
اسلام امیرلیگی بوتوغریده کوپ ایضاح کېریتمسه ده، بیراق افغانستان منفعتی اوچون شرطنامه ده اۉزگریش کېیلتیریلگنینی معلوم قیله‌دی.
مسئوللر، تاپی لایحه‌سی عملی ایشی کابل و عشق‌آباد تامانیدن جدی شکلده باشلنگنینی معلوم قیلیب و افغانستان توپراغیده بیرینچی فازی ایشی چمه‌سی ۶۰۰ میلیون دالر عوضی گه باشلنگنینی اېته‌دیلر.
کانلر و پترولیم وزیرلیگی سۉزلاوچیسی همایون افغان نینگ کوپه‌یتیریشیچه: «تاپی لایحه‌سی بیرینچی فازی نینگ بودجه‌سی قریب ۶۰۰ میلیون دالر دیر و تورکمنستان تامانیدن توله‌نیله‌دی.»
خوفسیزلیک و یېترلی آست قورمه یوق‌لیگی، افغانستان توپراغیده تاپی لایحه‌سی عملی ایشی نیچه ییل آرتگه قالیشی گه سبب بولگنی اېتیله‌دی.
