قارچ، ویروس و باکتریا طفیلی اورته گه کیلهدیگن میوه داغلری یا-ده «چیچک» کسللیگی، هوا ایسیقلیگی آشگنی و موسمی بولمهگن یاغینگرچیلیکلر سبب، باغلرده تیزلیک بیلن ترقهلهدی. پروان ده باغدارلردن قطاری، میوه باغلریده مذکور اوسیملیک کسللیگی کوپهیگنیدن شکایت قیلیب و ایتیشلریچه، چیچک کسللیگی آلمه، زردآلو، ناک و شفتالو درختلریگه هجوم قیلیب و محصوللرینینگ جدی شکلده زیان کوریشیگه سبب بولگن.
اولرگه کوره، درست آگاهیلیکلری یوقلیگی، فایدهلی دارولردن آزراق فایدهلنیش و مسئول نهادلر تامانیدن فنی مصلحتلر بیریلمسلیگی، بو کسللیکنینگ تیزلیک بیلن ترقهلیشیگه زمینه یرهتیب و کوپینچه اقتصادی زیانلرگه سبب بوله آلهدی. شوندهی بیرحالده، پروان ایکینچیلیک، سووغاریش و چاروهچیلیک ریاستی مسئوللری، بو کسللیککه قرشی کورهش اوچون دارو ترقهتیلیشی و دهقانلرگه آگاهیلیک بیریش ییغیلیشلر اوتکزیلیشی کبی بیر قطار برنامهلرنینگ عملگه آشیریلیشیدن خبر بیرگنلر.
بیزلرنینگ فیسبوک صحیفهمیزگه باش اورینگ!
پروان ولایتی بگرام تومنیدهگی باغدارلردن بیری میرحمزهنینگ سلاموطندار گه ایتیشیچه، بو کسللیک جدی شکلده میوهلرگه زیان ییتیشتیریب و شونینگدیک ساتیلیش بازارینی هم کساد بیلن روپهره قیلگن. اونینگ کوپهیتیریشیچه: «ویروس، باکتریا و قارچی کسللیکلری طفیلی اورته گه کیلهدیگن درختلرنینگ چیچک کسللیگی، درختلر میوهسی یا-ده ساقهلر برگی یوزیده چیچک کبی داغلر کوریلهدی. آلمه، شفتالو و زردآلو کبی درختلر کوپراق بو کسللیک خوفی آستیده دیر. میوه گه بو کسللیک تیگگنیده، مذکور میوهنینگ ساتیلیش بازاری کمهیهدی که بو دهقانلرگه کته اقتصادی زیان ییتیشتیرهدی. بو توغریده دولتنینگ قیله آلهدیگن اینگ مهم ایشی، دارو بازارینی کنترول قیلسین.»
باشقه بیر تاماندن، پروان دهگی باغدارلردن فردین نبرد و امرالله محمدی، محصوللری صفتی و قیمتی کمهیگنیدن خواطر بیلدیریب، اوشبو آفت بیلن قرشی کورهش توغریسیده میخانیکی اصوللر اوچون عاجل تعلیمی برنامهلر اوتکزیلیشینی ایستهگنلر.
فردیننینگ ایتیشیچه: «چیچک اوشبو اوسیملیکلرده تاپیلهدی. میوه یوزی خراب بولگنی و داغ تاپیلگنیده، ساتیلیش بازاری اونچه یخشی بولمهیدی و انه شوو سبب، محصوللر ساتیلمهیدی.»
شونینگدیک امراللهنینگ ایتیشیچه: «ایکینچیلیک سکتوری، دهقانلرنینگ مسلکی بلیک سطحی آشیشی اوچون تعلیمی برنامهلرنینگ اوتکزیشگه مسئولیتی بار. شاخچهلرنی قیرقیش میوهلر و باغلرنی قارچی و باشقه آفتلر برابریده بیراز سقلش اصوللریدن بیری دیر.»
شوندهی بیرحالده، پروان ایکینچیلیک، سووغاریش و چاروهچیلیک ریاستینینگ ایکینچیلیک ایشلری بوییچه آمری نیازمحمد تایبگه کوره، اوسیملیک افتلری بیلن قرشی کورهش توغریسیده دهقانلر آگاهیلیک سطحینی آشیریش اووچون تورلی برنامهلر اوتکزیلیب و بو جریاننینگ دوامی بار.
اونینگ کوپهیتیریشیچه: «پروان باغلریده ایکی تور اوسیملیک چیچک کسللیگی بار. اوسیملیک چیچکلری و باشقه اوسیملیک آفتلرینی کنترول قیلیش اوچون باغلرگه منظم پلانلر اساسیده آگاهیلیک بیریش برنامهلرینی عملگه آشیریب، پروان ولایتی بویلب باغدارلر و دهقانلر اوچون اوسیملیک کسللیکلرینی کنترول قیلیش مقصد، حشرهلرنی اولدیردیگن ۵۰۰ لیتر دارونی ترقهتگنلر.»
بولرگه علاوه، پروان زراعت فاکولتهسی استادی و باغدارلیک بیلرمانی سیداحمد ملکزادنینگ سلاموطندار گه ایتیشیچه، چیچک کسللیگی قارچی و ویروسی آفت توری بولیب، هوا اسیشی، موسومی بولمهگن یاغینگرچیلیکلر و تخنیکی مراقبتلر یوقلیگی پیتده، تیزلیک بیلن باغلرده ترقهلهدی. مذکور کسللیک باشده ینگی چیقهدیگن برگلرگه هجوم قیلیب و کیین، شاخچهلر، گللر و میوهلرنی افلاسلنتیرهدی.
بیزلرنینگ «ایکس» ترماغی ده هم تعقیب قیلینگ!
اونگه کوره، بو کسللیککه چلینگن میوهلرده قهوهای یا-ده قاره داغلر کوریلهدی و طبیعی شکللرینی قولدن بیرهدی و بعضا پیشمسدن آلدین درختدن توشهدی. «میوه داغی یا-ده چیچک، قارچلر، باکتریالر و ویروسلر دیر که آلمه، شفتالو، زردآلو حتا پمیدارده کوریلهدی.»
گرچند، پروان دهگی مسئوللر کیلهجکده هم برنامهلری بولگنینی بیان قیلهدیلر؛ بیراق چیچک کسللیگینینگ تیز صورتده ترقهلیشی بیلن چاره-تدبیرلرنینگ کیچیکیشی بیر-بیریگه ماس کیلمهیدی. زیان کورهدیگن مطنقهلرده اوسیملیک آفتلریگه قرشی سیار تیملرنی تشکیل بیریش، کیمیاوی دارولر ساتیلیش بازاریدن جدی نظارت و باغدارلر بیلیم سطحینی آشیریش اوچون منظم تعلیمی برنامهلرنی اوتکزیش، آفتلر هجومی و اوسیملیک کسللیکلریدن میوه باغلرینی سقله آلهدی.
