پنجشیر محلی عملدارلری، اوشبو ولایتده «بیروج» کانینی قزیب آلیش جریانی رسمی طرزده باشلنگنیدن خبر بیردیلر.
پنجشیر حاکمی سوزلاوچیسی سیفالدین لتون، اوشبو ولایت مرکزی بازارک حدودلریده ییرلشگن «بیروج» کانینی رسمی طرزده قزیب آلیش جریانی باشلنگنینی ایتدی.
اونگه کوره، عنابه، آبشار و بازارک مرکزیده ۱۰ بیروج کانی بارلیگی انیقلنگن. اوشبو کانلر اول سیناو شکلده قزیب آلینگن و اوتکزیلگن تیکشیروولر اوشبو قیمتبها تاشنینگ صفتلی ایکنینی کورستگن.
شو بیلن بیرگه، پنجشیر کانلر و پترولیم باشلیغی محمدقاسم امیرینینگ ایتیشیچه، عنابه و آبشار تومنلریده شرطنامه امضالهگن کمپنیهلرنینگ جوازینی قانونیلشتیریش یکونلنگن و تیزلیکده اوشبو حدودلرده قزیب آلیش جریانی باشلنهدی.
بیروج کانیگه قوشیمچه، آلتین، زمرد و باشقه ۱۷ ته قیمتبها تاش کانلری انیقلنگنینی قوشیمچه قیلهدی، پنجشیر کانلر و پترولیم باشلیغی محمدقاسم امیری.
