بلخ ساغلیق‌نی سقلش ریاستی مسئوللری، اوشبو ولایت‌ده سۉنگی کونلرده قند کسلی (دیابت) گه چلینگنلر سانی کوپه‌یگنینی اېته‌دیلر.
بلخ ولایتی‌ده ابوعلی سینا بلخی حوزه‌وی کسلخانه‌سی‌نینگ عمومی ایچکی بولیمی مسئولی عبدالوحید یوسفی، اوشبو قویاش ییل‌نینگ دستلبکی سکیز آیی‌ده، بو کسلخانه‌ده قند کسلی گه چلینگن قریب ۸۰۰ کیشی بستری بولگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
یوسفی جنابلری گه کوره: «بیز اوشبو کونلرده ابوعلی سینا بلخی حوزه‌وی کسلخانه‌سیده قند کسلی گه چلینگن قریب ۸۰۰ کیشینی بستری قیلدیک و طبی خذمت‌لردن سۉنگ قیته‌دن رخصت بولدیلر.»
بلخ‌ده‌گی شفاکارلر، ضعیف کوریش، سووسیزلیک، کیلو کمه‌یتیریش و چرچشنی قند کسللیگی بیلگی‌لریدن دیب ایتیشلریچه، قند کسلی یاشلرنینگ کوزدن عاجز بولیشی، یوره‌ک خسته‌لیگی، مغز خسته‌لیگی و بویره‌ک کسلی گه چلینیشی گه سبب بولیشی ممکن.
بیزلرنینگ «ایکس» ترماغی ده هم تعقیب قیلینگ!
شفاکارلر، یشاچیلردن اوشبو کسل‌لیک آلدینی آلیش و ترقه‌لمسلیگی اوچون سپورت قیلیش، یخشی آوقت‌لنیب، قان باسیمی و کیلو کمه‌یتیریش خصوصیده دقت قیلیش‌لرینی سوره‌یدیلر.
برچه‌سی بیلن، افغانستان‌ده قند کسلی گه چلینگنلرنینگ سانی بیللی اېمس؛ ترقه‌لگن سۉنگی معلومات‌لر اساسیده، افغانستان مقیاسیده قریب ۱۰ فایز یشاوچیلر بو کسل‌لیکّه چلینگنلر.
