فاریاب ولایتی ساغلیق‌نی سقلش مسئوللری، اوشبو ولایتده توییب آوقت‌لنمسلیکّه چلینگن باله‌لر سانی ۱۰ فایز کوپه‌یگنینی معلوم قیله‌دیلر.
بیزلرنینگ «ایکس» ترماغی ده هم تعقیب قیلینگ!
فاریاب ولایتی ساغلیق‌نی سقلش ریاستی نینگ آوقت‌لنیش ایشلری بوییچه ولایتی مسئولی غلام فاروق عظیمی، بوگون (۱۶-اسد، سه‌شنبه) خلق‌ارا آنه سوتیدن آوقت‌لنیش هفته‌سیدن نشانلش احتفال ده ایتیشیچه، سۉنگی آلتی آی ایچیده توییب آوقت‌لنمسلیکّه چلینگن «بیش یاشنی تولدیرمه‌گن» ۲۶ مینگ دن آرتیق باله مذکور ولایت نینگ ساغلیق مرکزی ده ثبت بولگن، اولردن ۲۵ مینگ‌ته‌سی ساغه‌یب و باشقه ۲۱ باله وفات اېتگن.
عظیمی جنابلری، باله‌لر نینگ توییب آوقت‌لنمسلیکّه چلینیش عاملینی کمبغل‌لیک، موسومی سوو تاشقین‌لری، ایچیملیک سوودن فایده‌لنه آلمسلیک همده شخصی و محیطی ساغلیق قاعده‌لرنی رعایت اېتمسلیک عنوان قیلگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی خلق‌ارا آزیق-آوقت دستوری، اوشبو میلادی ییلده افغانستانده تورت میلیون باله و آنه جدی توییب آوقت‌لنه آلمسلیگیدن اذیت چېکیشینی بیلدیرگن بیرحالده، فاریاب ده باله‌لر نینگ توییب آوقت‌لنمسلیکّه چلینیش رقمی کوپه‌یگنی اېتیله‌دی.
