پولیو گه قرشی اېملش ینگی کمپاینی (باله‌لر فلجی) کېله‌سی دوشنبه کونی مملکت نینگ بیرقطار ولایت‌لریده یولگه قوییلیشی کوتیله‌دی.
مملکت ساغلیق‌نی سقلش وزیرلیگی نینگ (افغانستان ده پولیو نی یوق ایتیش) بولیمی بوگون (۱۶-سرطان، شنبه) ایکس اجتماعی ترماغیده بیر بیانیه ترقه‌تیب، کېله‌سی دوشنبه کونی مملکت نینگ بیرقطار ولایت‌لریده پولیو گه قرشی اېملش ینگی کمپاینی باشلنیشیدن خبر بیرگن.
بیزلرنینگ فیسبوک صحیفه‌میزگه باش اورینگ!
مذکور اداره ایکس صحیفه‌سیده ترقه‌تگن بیانیه‌سیده، اوشبو دور کمپاینده قنچه باله اېملنیشی و قیسی ولایت‌لرده یولگه قوییلیشی حقیده ایضاح کېریتمه‌گن.
بو اداره قریب اوچ آی آلدین مملکت نینگ ۲۱ ولایتیده پولیو گه قرشی اېملش کمپاینینی یولگه قویگن اېدی.
اوشبو ییلده یالغیز ننگرهار ولایتیده پولیو کسلی آلتی مثبت واقعه‌سی قید اېتیلگن بیرحالده، مملکت نینگ بیرقطار ولایت‌لریده پولیو گه قرشی اېملش کمپاینی یولگه قوییلیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، افغانستان و پاکستان دنیا بویلب پولیو کسلی بوتونلی یوق اېتیلمه‌گن مملکت‌لردن سنله‌دی.