۲۹-میزان، اۉزبېک تیلی نینگ ملی کونیدن فاریاب ولایتی مرکزی میمنه شهریده محلی مسئوللر، دین عالملری، فرهنگی‌لر، یازووچیلر، مکتب و بیلیم یورت اوقیتووچیلری همده آقسقاللر نینگ حضوری بیلن نشانلندی.
اوشبو همایش ده اشتراک اېتگنلر، فرهنگ و تیل خیلمه-خیل‌لیگینی افغانستان نینگ یخشی‌لیک‌لریدن بیری دیب و اهالی اۉرته‌سیده اویغون‌لیک و اتحاد مستحکم‌لنیشی اوستیگه تأکید اېتدیلر.
فاریاب‌لیک تیل و ادبیات شاعری و یازووچیلریدن بولمیش تاشقین بهایی، اۉزبېک‌لر نینگ افغانستانده تاریخی قدامتی بولیب، تورک‌تبارلر نینگ یوتوق‌لری و کیم‌لیک‌لرینی تانیشتیریش اوچون بو گَل احتفاللر یولگه قوییلیشینی اونملی دیه بهاله‌گن.
بیزلرنینگ فیسبوک صحیفه‌میزگه باش اورینگ!
او سرپرست حکومت دن، اۉزبېک تیلی ترقیاتی گه قۉشیمچه، کتاب‌لر چاپ اېتیلیشی، اۉزبېک تیلی قۉللب-قوتلنیشی همده بو تیل عالی درگاه‌لر گه اوقیتیلیشی اوچون دقت قیلیشینی طلب قیلگن.
اونینگ کوپه‌یتیریشیچه: «اۉزبېک تیلی افغانستانده سۉنگی ییلرده اۉز اورنینی تاپه آلمه‌گن و کېین اېسه اخیرگی ییللرده بیر قسم جفالرنی کوریب کېلدی، شو بیلن هم حاضرگه قدر نفس تارتیب کېلماقده.»
اوشبو احتفالده اشتراک اېتگنلردن استاد نظرمحمد رضوانی نینگ سلام‌وطندار گه ایتیشیچه، افغانستانده تیل خیلمه-خیل‌لیگی بو مملکت نینگ یخشی‌لیک‌لریدن بیری دیر، شونی اوچون فرهنگ و تیل خیلمه-خیل‌لیگی یشاوچیلر اۉرته‌سیده اتحاد و اویغون‌لیک مستحکم‌لنیشی گه سبب بولیشی کېره‌ک.
بیزلرنینگ «ایکس» ترماغی ده هم تعقیب قیلینگ!
اونگه کوره: «بیر ییرده تیریکچیلیک قیلیب باشقه تیللر حرمت قیلینمه‌گن حالده، قومی و تیل کم‌سیتیلیشی گه سبب بوله‌دی و بو اېسه بحران گه باعث بوله‌دی.»
مذکور احتفالده قتنشگن اسلام امیرلیگی لیدری نینگ شمالده‌گی وکیلی صلاح‌الدین ایوبی، اۉزبېک‌لر نینگ کیم‌لیگی، یوتوق‌لری و ادبی اثرلرینی تانیشتیریش اوچون بو گَل احتفاللر یولگه قوییلیشینی اونملی بهاله‌گن.
اویوبی جنابلری نینگ کوپه‌یتیریشیچه، اۉزبېک تیلینی رواجلنتیریش اوچون یاشلر و یازووچیلر فعال حصه قوشیشی کېره‌ک. «تیل و فرهنگ و عنعنه‌لر اوچون بیر ییرده توپله‌نیش تیریک‌لیکدن درک بیره‌دی، ناراضی‌لیک بیلن هېچ نرسه توزه‌لمه‌یدی، الحمدالله تیریک میز، کلتور و همه نرسه‌میز تیریک، فرهنگ نی بیز گه اورگتمنگیز بیز سیزلر گه اورگته‌میز.»
۲۹-میزان، بیش ییل آلدین افغانستان جمهوریت توزومیده اۉزبېک تیلی نینگ ملی کونی دیب ناملندی و هر ییلی بوکوندن مملکت بویلب طنطنه‌لی طرزده نشانلنه‌دی.
