صناعت و سودا وزیرلیگی، بوگون (۷-جوزا، چهارشنبه) اسلام امیرلیگی ییریک رسمیلری حضوری بیلن، مملکتنینگ صناعتی حدودلریده صناعتچیلر گه ییر تقسیماتینی باشلهدی.
صناعت و سودا وزیرلیگی مسئوللرینینگ ایتیشلریچه، اوشبو باسقیچده سکیز ولایتده صناعتی حدودلرده ۵۱۸ جریب ییر، ۹۱ شرکت و مملکت گه قیتگن توقیز صناعتچی و سوداگر گه توزیع قیلینگن.
عینحالده، اسلام امیرلیگی باش وزیرینینگ اقتصادی اورین باسری عبدالغنی برادر، اوشبو مناسبت بیلن اۉتکزیلگن یییغلیشده، صناعتچیلردن مملکت صناعتی مستحکملنیشی و ایشلب چیقریشلر آشیشی مقصدیده، توزیع قیلینگن ییرلردن یخشی فایدهلنیشلرینی سورهگن.
اونینگ کوپهیتیریشیچه: «بیز-سیزلر صناعتی حدودلرده ۹۱ صناعتچی گه ییر ملکیتی سندی بیریلیش گواهیمیز، صناعتی حدودلرده ییر توزیع قیلینیش جریانی باشلنیشی بیلن، ینگی فصل آچیلیب و مملکت صناعتی نقطهی-نظردن کوچلنیشی ممکن.»
بیزلرنینگ فیسبوک صحیفهمیزگه باش اورینگ!
صناعت و سودا وزیرلیگینینگ معلوماتی اساسیده، هرات تورتینچی فاز صناعتی پارکلری، قندهار ولایتی شوراندم حدودی، میدانوردک تخت کوتل، پروان ولایتی باریک آب، لوگر ولایتی محمدآغه، خوست ولایتی سماوار باغی، ننگرهار ولایتی شیخ مصری و هلمند ولایتی دوراهیده، ۹۱ شرکت و مملکت گه قیتگن توقیز صناعتچی گه ییر ملکیتی سندی بیریلگن.
عینحالده، صناعت و سودا وزیرلیگی سرپرستی نورالدین عزیزی، مملکت صناعتچیلری گه ییر تینیقلیک بیلن توزیع قیلینیشیدن ایشانچ بیلدیرهدی. «بو شفاف بیر جریان دیر، اما هلی ترتیبلی آراشیف گه ایگه اېمسمیز و بو بارهده ایش آلیب بارماقدهمیز و صناعتی پارکلر قانونی تصدیقلنگن و بعضی نرسهلر قانون ده کېریتیلگن اهالی خیری گه دیر و صناعتچیلر افغانستان بانکی تیزیمیگه ایشانیشی کېرهک و صناعتچیلر خام موادنی مملکت ایچیدن تأمینلشلری لازم.»
صناعت و سودا وزیرلیگی مسئوللرینینگ ایتیشلریچه، هر بیر جریب ییرنینگ مصرفی ۳۰۰ مینگ افغانی تعیینلنگن و صناعتچیلر بو مقدار پولنی ییتّی قسطده بیریشلری ممکن.
بیزلرنینگ «ایکس» ترماغی ده هم تعقیب قیلینگ!
ایکینچیلیک، سوغاریش و چاروهچیلیک وزیرلیگی سرپرستی عطاءالله عمری، صناعتچیلردن بو فرصتدن فایدهلنیب و یشاوچیلر اوچون ایش امکانیتلرینی یرهتیشنی اېستهیدی. «صناعتچیلر اۉزلرینی اۉزی تأمینلشنی اویلهسینلر و اسلام امیرلیگی سوو، برق، جای و باشقه احتیاجلرینگیز بولگن نرسهلرنی تأمینلش گه حرکت قیلهدی و سیزلر هم اهالینی ایش بیلن تأمینلش گه حرکت قیلینگیزلر.»
شو بیلن بیرگه، افغانستان صناعت و کانلر اتاقی مسئوللری، صناعت و سودا وزیرلیگیدن ایشخانهلری اجاره مکانلرده بولگن صناعتچیلر گه اولویت بیریشنی سورهیدیلر.
اوشبو اتاق باشلیغی شیربازکمیننینگ ایتیشیچه: «حاضر هم بعضی صناعتچیلر اجاره مکانلرده فعالیت قیلماقده و ییر توزیع قیلینیشده اولر گه اولویت بیریلسه و مملکت گه قیتگن مهاجرلر-افغانستانده سرمایه یاتقیزیشگن، اولر گه هم اوستونلیک بیریلسه.»
صناعت و سودا وزیرلیگی مسئوللری، بوندن اول مملکت ۲۸ ولایتیده قریب ۸۰ جریب ییر ۳۶ صناعتی ساحه توزیش اوچون بو وزیرلیکّه انتقال بیریلگنینی معلوم قیلهدیلر.
