سرپرست حکومت تشقی ایشلر وزیرلیگی، قرغیزستان اسلام امیرلیگینی عصیانچی گروه‌لر رویخطیدن چیقرگنینی معلوم قیلگن.
اوشبو وزیرلیک سۉزلاوچیسی عبدالقهار بلخی بوگون (۱۵-سنبله، پنج‌شنبه) ایکس صحیفه‌سیده بیر بیانیه ترقه‌تیب، اسلام امیرلیگی نینگ آتی قرغیزستان تامانیدن عصیانچی گروه‌لر رویخطیدن چیقریلیشی، منطقه و دنیا نینگ سیاسی نقطه-نظریدن اسلام امیرلیگی نی درک اېتیشی افغانستان و باشقه مملکت‌لر اۉرته‌سیده‌گی مانع‌لر کوتاریلیشنی افاده قیلیشینی یازگن.
بیزلرنینگ فیسبوک صحیفه‌میزگه باش اورینگ!
بیانیه ده کېلیشیچه: «تشقی ایشلر وزیرلیگی قرغیزستان دولتیدن اسلام امیرلیگی نینگ اوشبو مملکت عصیانچی گروه‌لر رویخطیدن چیقریلیش اقدامینی خوش قرشی له‌یدی.»
قرغیزستان دولتی تامانیدن اسلام امیرلیگی عصیانچی گروه‌لر رویخطی دن چیقریلیشی حقیده حاضرگچه هېچ نرسه دیېلمه‌گن.
بیزلرنینگ «ایکس» ترماغی ده هم تعقیب قیلینگ!
بوندن آلدین، قزاقستان جمهور باشلیغی قاسم جومارت توقایف، مملکتی افغانستان بیلن اقتصادی مناسبت‌لرینی مستحکم‌لش اوچون، اسلام امیرلیگی آتینی اوشبو مملکت نینگ عصیانچی گروه‌لر رویخطیدن چیقریلیشینی بیلدیرگن اېدی.