معارف وزیرلیگی، سواد اورگه‌تیش‌نی رواجلنتیریش اوچون بوگون (۸-حوت، چهارشنبه) ۲۴ وزارت و دولت اداره‌لری بیلن همکارلیک شرطنامه امضاله‌گن.
معارف وزیرلیگی مسئوللری، اوشبو مناسبت بیلن اوتکزیلگن مراسمده ایتیشلریچه، بو شرطنامه‌لر سواد اورگه‌تیش دوره‌لرینی کېنگه‌یتیریش، قولی‌لیک یرهتیش و اوقیش‌دن محروم بولگن کیشیلر گه اوقیش امکانیت‌لرینی یرهتیش اوچون امضالنگن.
معارف وزیرلیگی‌نینگ تعلیم و تربیه بوییچه اورین باسری سخاءالله سعید گه کوره، بو شرطنامه‌لر نهایی بولیشیدن کېین، کېله‌سی اوچ ییل‌گچه حکومت نظامی و ملکی اداره‌لری‌نینگ بیر میلیون خادمی و کسبه‌کارلر گه استه-سیکین سواد اورگه‌تیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «امارت ادارهلریدهگی نظامی و ملکی کیشیلر گه سواد اورگه‌تیش برنامه‌لرنی اوتکزیش اوچون سعی-حرکت قیله‌میز و کېله‌سی اوچ ییل‌ده بیر میلیون کیشی بو برنامه‌لردن فایده‌لنیش‌لری ممکن.»
معارف وزیرلیگی مسئوللری، افغانستان‌نینگ اوزاق منطقه‌لریده سواد اورگه‌تیش امکانیتینی یرهتیش اوچون سعی-حرکت قیلماقده‌لیک‌لریدن ایشانچ بیره‌دیلر.
اولر بیلیم اهمیتی گه اشاره قیلیب ایتیشلریچه، بیر مملکت یالغیز بیلیم بیلن یوکسه‌لیب و خودکفا بولیشی ممکن.
معارف وزیرلیگی‌نینگ صفت‌نی کفالت قیلیش بوییچه اورین باسری عبدالخالق صادق، ۲۴ وزارت و اداره‌لرنینگ مسئوللریدن، بو شرطنامه‌نی عملی قیلیش‌لرینی اېسته‌یدی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «حکومت اداره‌لریدن بو کېلیشوونی عمل قیلیش‌لرینی اېسته‌یمیز و بو اهالی اوچون بیر شفقت دیر و اورگه‌تیش بیلن حکومت اداره‌لریده مثبت اوزگریش کېلیب و یشاوچیلر گه کوپینچه قولی‌لیک کېلیشی ممکن.»
عین‌حالده، بیرقطار وزیرلیک‌لرنینگ مسئوللریدن بیرقطاری، بو شرطنامه‌لر گه عمل قیلیش وعده‌سینی بیره‌دیلر.
مدافعه وزیرلیگی‌نینگ عقیدتی باشلیغی سیدآغا ابو مقبول گه کوره: «مدافعه وزیرلیگی‌ده ۳۰ مینگ کیشی سواد اورگه‌تیش شرایطی گه تېنگ و ظرفیتی صفر دیر و بیز معارف وزیرلیگی بیلن هماهنگ‌میز که اولر بو برنامه‌دن فایده‌لنسه‌لر.»
اوشبو مناسبت بیلن اوتکزیلگن ییغیلیش‌ده اشتراک اېتگن شهرسازلیک وزیرلیگی‌نینگ اورین باسری مدار علی کریمی، افغانستان‌ده معارف بولیمی سیاست‌دن اوزاق بولیشی کېره‌ک دیېدی. اونینگ ایتیشیچه: «هر بیر مملکت‌نینگ ترقیاتی تعلیم و تربیه گه باغلیق دیر و معارف سیاست اوزاق بولیشی درکار و مکتب‌لرنینگ اوقیش برنامه‌لریده دینی کتاب‌لر رعایت اېتیلیشی لازم.»
معارف وزیرلیگی‌نینگ معلوماتی اساسیده، اوتگن اوچ ییل‌ده افغانستان مقیاسیده ۴۵۰ مینگ کیشی سواد اورگه‌تیش برنامه‌لردن فایده‌لنگن.
