سرپرست حکومت عدلیه وزیرلیگی گه کوره، «امر معروف و نهی منکر قانونی» تورت فصل و ۳۵ ماده دن عبارت بولیب و اسلام امیرلیگی رهبری تامانیدن تصدیقلنیب و افغانستان بویلب عملگه آشیریله‌دی.
اوشبو وزیرلیک سۉزلاوچیسی برکت‌الله رسولی، ۳۱-اسد، چهارشنبه کونی ایکس صحیفه‌سیده بیر بیانیه ترقه‌تیب بو قانون امر معروف و نهی منکر وزیرلیگی نینگ ایشلرینی ترتیب گه سالیش و اوشبو وزیرلیک محتسب‌لری نینگ صلاحیتی تعیین‌لنیشی مقصدیده تیارلنگنینی اېتگن.
بیزلرنینگ فیسبوک صحیفه‌میزگه باش اورینگ!
مذکور قانون اساسیده، امر معروف و نهی منکر محتسب‌لری نینگ بویروغ‌لرینی انابت گه آلمه‌گن کیشی، بیر ساعت دن اوچ کونگچه عمومی تورمه‌خانه‌لرده زندانی بولیب و نهایت محتسب‌لر نینگ قراری اساسیده جزالنه‌دیلر دیېدی، عدلیه وزیرلیگی سۉزلاوچیسی برکت‌الله رسولی.
بیانیه ده کېلیشیچه: «بو قانون اساسیده باغلیق وزیرلیک اسلام دینی و حنفی فقه قاعده‌لری گه بناً، یخشی‌لیک‌‌لر گه بویریش و یامان‌لیک‌لردن منع قیلیش همده یشاوچیلر نینگ صلح و برادرلیکّه ترغیب قیلیش و اولرنی قومی، تیل و سمتی تعصب‌لردن منع قیلیش گه مکلف دیر.»
اوشبو قانون نینگ بیر بولیمیده، عیاللر نینگ کیینیشی ذکر بولیب و عیاللر بوتون تنه‌لرینی یاپیب و فتنه اوچون یوزلرینی یاپیش ضرورلیگی تأکیدلنگن.
بیزلرنینگ «ایکس» ترماغی ده هم تعقیب قیلینگ!
عدلیه وزیرلیگی سۉزلاوچیسی گه کوره، تصدیقلنگن اوشبو قانون اساسیده، امر معروف و نهی منکر محتسب‌لری ایرکک‌لر نینگ ساقالینی آلیش یا که آزه‌یتیریش گه یول قوی‌مسلیگی تأکیدلنگن.
امر معروف و نهی منکر وزیرلیگی، سۉنگی اوچ ییلده اولکه یشاوچیلری اینیقسه خاتین قیزلر گه اېریم چېکلاولرنی یره‌تگن؛ بیراق بو اداره جمعیت اصلاح اېتیلیشی اوچون اوشبو چېکلاولر یره‌تیلگنینی ادعا قیله‌دی.
