حزب‌الله لبنان رهبری سیدحسن نصرالله، اسرائیل اردوسی نینگ هوا هجوملری عاقبتیده هلاک بولگچ، بیرقطار اسلامی مملکت‌لر جمله دن لبنان، ایران، عراق و یمن اوچ کوندن بیش کونگچه عمومی ماتم اعلام قیلگنلر.
حزب‌الله نینگ سېزیلرلی درجه ده نفوسی بولگن لبنان دولتی، سیدحسن نصرالله اولدیریلیشی طفیلی بوگون (۸-میزان، یک‌شنبه) دن باشلب اوچ کون عمومی ماتم اعلام قیلگن.
بیزلرنینگ فیسبوک صحیفه‌میزگه باش اورینگ!
حزب‌الله لبنان نینگ اصلی دستکچیسی و اوشبو آقیم رهبری بیلن یقین علاقه ده بولگن ایران دولتی، اسرائیل نینگ بو اقدامینی قاره‌لب و اوشبو مملکت ده بیش کون عمومی ماتم اعلام قیلگن. بو مملکت نینگ مذهبی لیدری سیدعلی خامنه‌ای بوگوندن باشلب اوشبو مملکت ده بیش کون‌لیک ماتم عملی بولیشینی اېتگن.
شونینگدیک، عراق، سوریه و یمن مملکت‌لری هم لبنان پایتختی بیروت شهریده اسرائیل نینگ هوا هجومینی قاره‌لب اوچ کون عمومی ماتم اعلام قیلگنلر.
تورکیه و روسیه هم رسمی بیانیه ترقه‌تیب اسرائیل نینگ بو هجومینی قاره‌له‌گنلر.
بیزلرنینگ «ایکس» ترماغی ده هم تعقیب قیلینگ!
تورکیه جمهور باشلیغی رجب طیب اردوغان، اسرائیل گه غزه و لبنان ده قیرغیندن قول تارتیشی حقیده آگاه‌لنتیریب و اسلامی مملکت‌لردن اسرائیل گه قرشی بیر قرار گه کېلیش‌لرینی اېسته‌گن.
شونینگدیک، منطقه ده‌گی سیاسی آقیملر اینیقسه حماس و انصارالله بو هجومنی قاره‌لب و «حسن نصرالله» یولی دوام تاپیشینی اېتگنلر.
حزب‌الله لبنان رهبری سیدحسن نصرالله ۱۴۰۳-ییل، ۶-میزان جمعه کونی اسرائیل اردوسی نینگ لبنان پایتختی بیروت جنوبی حدودلریده مذکور حزب نینگ مرکزی اداره‌سیده اویوشتیرگن هوا هجوملری عاقبتیده حزب‌الله نینگ بیرقطار قوماندان‌لری بیلن هلاک بولدی و حزب‌الله لبنان هم اۉتگن کون اونینگ اولیمینی تصدیقله‌دی.
