حماس نینگ سیاسی لیدری یحیا سنوار اولدیریلیشی بیلن، اۉرته شرق ده کېسکین‌لیک اوج آلگچ اسرائیل باش وزیری نینگ اداره‌سی، حزب‌الله لبنان اوشبو مملکت باش وزیری بنیامین نتانیاهو نینگ یشش اوی‌لریدن بیرینی اوچووچی‌سیز اوچاق آرقه‌لی نشانگه آلگنیدن خبر بیرگن.
الجزیره یېتکرمه‌سی، حزب‌الله لبنان بوگون (۲۸-میزان، شنبه) تل‌آویو شمالی حدودلری «قیصریه» منطقه‌سیده بنیامین نتانیاهو نینگ یشش اویی گه اوچووچی‌سیز اوچاق آرقه‌لی هجوم اویوشتیرگنینی معلوم قیلگن.
اسرائیل اردوسی، غزه ده هوا هجوملری گه دوام بیریب کېلماقده اېکن ینگی‌لیکده اوشبو هجوملر عاقبتیده چمه‌سی ۳۳ کیشی قربان بولگن.
بیزلرنینگ فیسبوک صحیفه‌میزگه باش اورینگ!
باشقه تاماندن، حزب‌الله لبنان غزه و لبنان خلقینی قۉللب-قوتلش اوچون نیچه راکته اسرائیل تامان آتگنینی معلوم قیلگن.
شو بیلن بیرگه، امریکا قۉشمه ایالتلری جمهور باشلیغی جوبایدن، لبنان ده «آتیش کېسین برقرار اېتیلیش» فرصتی بار لېکن غزه ده قیین دیگن.
عین‌حالده، خلق‌ارا ایش بیلرمان‌لردن بیرقطاری، اۉرته شرق ده‌گی کېسکین‌لیکلر گه اشاره قیلیب دنیا قدرت‌لری بو منطقه ده کېسکین‌لیک اوج آلیشیگه قولی بارلیگیگه ایشانه‌دیلر.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر بیلرمان‌لریدن سیال وردک نینگ ایتیشیچه، وقت اوتیشی بیلن احوال آغیرلشماقده و آتیش کېسین بولمه‌گن حالده، احوال بوندن هم یامان بولیشی ممکن.
ایش بیلرمان‌لردن باشقه بیرقطاری، منطقه و دنیا قدرت‌لری جمله دن ایران، روسیه و امریکا اۉرته شرق ده‌گی اوروش گه مستقیم و نا مستقیم طرزده قوشیلگن؛ بیراق بیر-بیری بیلن توقنشوو طرفداری اېمس‌لیگینی اېته‌دیلر.
کېسکین‌لیکلر اوج آلماقده اېکن، روسیه دولت لیدری ولادیمیر پوتین مملکتی ایران و اسرائیل اۉرته‌سیده‌گی قرشی‌لیکلرنی حل قیلیش اوچون واسطه‌چیلیک قیلیش گه تیارلیگینی معلوم قیلگن.
