افغانستان اقتصاد وزیرلیگی، امریکا قۉشمه ایالتلری‌نینگ تنلنگن جمهور باشلیغی دونالد ترامپ، اوشبو مملکت‌نینگ انسان سیورلیک یاردملری اسلام امیرلیگی قولیگه توشیش بیاناتی گه مناسبت بیلدیریب ایتیشیچه، تشقی بوتون انسان سیورلیک یاردملر باشله‌نیشیدن حاضرگه قدر اسلام امیرلیگی اره‌لشمسدن تشکیلات‌لر یا-ده مملکتلر گه عاید اداره‌لر تامانیدن، افغانستان‌ده عملگه آشیریله‌دی.
اقتصاد وزیرلیگی سۉزلاوچیسی عبدالرحمان حبیب سلام‌وطندار بیلن اۉتکزگن صحبتیده، حاضر تشقی مملکتلرنینگ انسان سیورلیک بوتون یاردملری مملکتلر یا-ده نهادلر گه عاید اداره‌لر تامانیدن و سرپرست حکومت‌نینگ اره‌لشمسلیگی بیلن عملگه آشیریلیشینی اېتگن.
اونینگ کوپه‌یتیریشیچه: «یاردم بیرووچی نهادلر و مملکتلرنینگ انسان سیورلیک یاردملری اول‌دن حاضرگه قدر، اۉزلری گه عاید اداره‌لر تامانیدن و اسلام امیرلیگی‌نینگ اره‌لشمسلیگی بیلن عملگه آشیریلگن؛ انسان سیورلیک یاردملر خلق‌ارا قاعده‌لر اساسیده اجرا بوله‌دی.»
بیزلرنینگ فیسبوک صحیفه‌میزگه باش اورینگ!
امریکا قۉشمه ایالتلری‌نینگ تنلنگن جمهور باشلیغی دونالد ترامپ ۱۸-جدی، سه‌شنبه کونی اۉتکزیلگن مطبوعاتی ییغیلیش‌ده، سۉنگی اوچ ییل‌ده افغانستان گه امریکانینگ انسان سیورلیک یاردملری گه اشاره قیلیب، اولرنینگ افغانستان گه میلیاردلرچه یاردملری قبول قیلینمس و اونگی آلینیشی کېره‌ک دیگن.
اونینگ کوپه‌یتیریشیچه: «بیز میلیونلرچه اېمس بلکه میلیاردلرچه دالر افغانستان و در حقیقت سرپرست حکومت گه بیرماقده‌میز، بو قبول قیلینمس دیر. بونده‌ی بولمسلیگی درکار.»
ترامپ افغانستان گه امریکانینگ نقد یاردملری دوام تاپیشیدن تنقید ایتماقده اېکن، بو مملکت‌نینگ انسان سیورلیک یاردملری کېسیلیشی و افغانستان‌ده یامان عاقبت‌لریدن تشویش بیلدیریلماقده.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان سیلاب سمندر، امریکانینگ افغانستان گه انسان سیورلیک یاردملری کېسیلگن حالده، افغانستان‌ده محتاجلر سانی کوپه‌یشیدن آگاه‌لنتیره‌دی.
اونینگ ایتیشیچه: «امریکا و همکارلری افغانستان گه هر ییلی ۱.۲ میلیارد دالر مالی و اقتصادی یاردم بیره‌دیلر و میلیونلب افغانستان‌لیک‌نینگ حیاتی یخشی‌لنیشی گه سبب بولگن، بو یاردملر کېسیلیشی بیلن ایش‌سیزلر سانی آشیب و افغانستان اقتصادی و سیاسی تنزل گه یوز توتیشی ممکن.»
امریکا سۉنگی اوچ ییل‌ده افغانستان‌ده یاردم بیرووچی نهادلر گه ایکّی میلیارد دالر دن کوپراق یاردم کورسه‌تگن. امریکا تشقی ایشلر وزیرلیگی گه کوره، بو یاردملر یالغیز یاردم بیرووچی نهادلر و افغانستان‌ده آچلیک و آزیق-آوقت تقچیلیگی بیلن روپه‌ره بولگن عادی اهالی اوچون دیر.
