اسلام امیرلیگی صناعت و سودا وزیرلیگی، افغانستان و اۉزبېکستان اۉرته‌سیده سودا بوییچه شرطنامه‌لر امضالنگنیدن خبر بیرگن.
اوشبو وزیرلیک بوگون (۲۷-اسد، شنبه) ایکس صحیفه‌سیده بیر خبر ترقه‌تیب، اسلام امیرلیگی باش وزیری نینگ اقتصادی اۉرین باسری عبدالغنی برادر و اۉزبېکستان باش وزیری عبدالله عارف‌اوف حضوری بیلن، افغانستان صناعت و سودا وزیرلیگی و اۉزبېکستان سرمایه یاتقیزیش، صناعت و سودا وزیرلیگی اۉرته‌سیده، سودا بوییچه شرطنامه‌لر امضالنگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
بو وزیرلیک نینگ کوپه‌یتیریشیچه، تجارت و سرمایه یاتقیزیش بولیم‌لریده بو ایکّی مملکت اۉرته‌سیده بیش شرطنامه امضالنگن.
شونینگدیک، صناعت و سودا وزیرلیگی گه کوره، اسلام امیرلیگی کانلر و پترولیم، ایکینچیلیک و چاروه‌چیلیک و مالیه وزیرلیک‌لری همده اۉزبېکستان جمهوریتی نینگ باغلیق اداره‌لری اۉرته‌سیده‌گی اقتصادی مناسبت‌لر مستحکم‌لنیشی مقصدیده کېلیشوونامه‌لر گه قول قوییلگن.
اۉزبېکستان جمهوریتی نینگ باش وزیری عبدالله عارف‌اوف، یوقاری مرتبه‌لی بیر هیئت یېتکچیلیگیده بوگون کابل گه تشریف بویردی.
بیزلرنینگ فیسبوک صحیفه‌میزگه باش اورینگ!
عارف‌اوف جنابلری، افغانستان و اۉزبېکستان اۉرته‌سیده تجاری باغلنیش ایکّی تامانلمه ییغیلیش ده اشتراک اېتیش و کابلده اۉزبېکستان نینگ محصولاتی کورگزمه‌سینی آچیش اوچون، مملکت گه تشریف بویرگنی اېتیله‌دی.