ایران سپاه پاسداران، قیزیل دینگیزده امریکانینگ اینگ بویوک اوچاق و حربی اوسکونه تشووچی اوچاغی نشانگه آلینیشی حقیده آگاهلنتیردی.
ایران خاتمالانبیا مرکزی قوماندانلیگی سوزلاوچیسی ابراهیم ذوالفقاری، جرالد فورد کیمهسی ایران حربی کوچلرینینگ هدف نشانی صفتیده انیقلنگنینی بیلدیردی.
فارس آژانسی بوگون (۲۵ حوت/۱۶ مارچ، یکشنبه) ذوالفقاری ویدیوسینی ترقهتگن ایتیشیچه، قیزیل دینگیزده امریکا اردوسینینگ جرالد فورد اوچاق تشوووچی کیمهسی، ایران اسلامی جمهوریتی گه قرشی تهدید حسابلنهدی شونینگ اوچون، بو مملکت حربی کوچلرینینگ هدف نشانی حسابلنهدی.
بوندن آلدین سپاه پاسداران، خلیج فارس سوولریده امریکانینگ اوچاق و حربی اوسکونه تشووچی آبراهام لینکن کیمهسینی تورت بالستیک راکته بیلن نشانگه آلگنینی ایتگن ایدی بیراق امریکا مرکزی قوماندانلیگی (سنتکام) بو ادعالرنی رد ایتگن. معلوماتلر گه کوره، آبراهام لینکلن کیمهسی حاضر ایران قیرغاقلریدن ۱۱۰۰ کیلومتر مصافه گه آرقه گه چیکینگن.
